،،،،،،افترقنا والليالي فانيه،،،،،،

[المعتصم بالله]

ليه تبعد ليه طوّلت الرجوع؟=ليه روحك هي علي الجانيه؟
وانت تدري مسكنك بين الضلوع=بين ضلعينٍ بجوفي حانيه
ساهرٍ ليلي على جنبٍ وكوع=طيفكم ما غاب عني ثانيه
ما سمعت الناس واغلقت السموع=قلت خلوني وخلوا شانيه
ما يلوم العين في ذرف الدموع=كود من لا ذاق لحظه هانيه
فيك شعري كاتبه من كل نوع=في غيابك بس اجر الحانيه
يا حسايف فيك كم كنت مخدوع=وشوقي الزايد عليك اعمانيه
الخيانه شفتها بشين الطبوع=والأمل هده وانا اللي بانيه
لو يجيني لو يقوّم له فزوع=لو يقول ان المنيه دانيه
قلت ما لك قدر عندي يا قطوع=روح ما ارضى منك خدعه ثانيه
حالفٍ ما اعلن لحضرتكم خضوع=كارهك واقولها بإعلانيه
احمد الله قمت من عقب الوقوع=وجابك الله تطلب الاحسانيه
والنهايه من هواك انا قنوع=افترقنا والليالي فانيه

[عبدالرحمن الهيلوم]

صحصح لسانك وبنانك يالذيب
تقيل مرورك وفالك الطيب

[عبدالله الجـــذع]

ما يلوم العين في ذرف الدموع
كود من لا ذاق لحظه هانيه

المعتصم
شاعر يعزف على انغام جميله ورائعه
انا من متابعينك يامبدع

صح لسانك ملايين ع هالجزله

ننتظر جديدك

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[مرزوق حمدان العتيبي]

..
.
الله الله
....
صح لسانك ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله يالمعتصم بالله ..

صح لسانك على هالقصيده ..

وفي انتظار جديدك ..




أخوك

التوقيع

.....

[/عبد العزيز الجذع/]

الله..


قصيدة رائعة يالرائع.

صح لسانك يالمعتصم بالله.

ونترقب جديدكـ .

[الحكــــــيم]

ليه تبعد ليه طوّلت الرجوع؟
ليه روحك هي علي الجانيه؟

صح لسانك

وعتلا شأنك


وسلم بنانك

[معجب العتيبي]

الله..


قصيدة رائعة يالرائع.

وليست غريبه عليك

صح لسانك يالمعتصم بالله.

التوقيع

[ذيب النفود]

حالفٍ ما اعلن لحضرتكم خضوع=كارهك واقولها بإعلانيه

ياسلام عليك يالمعتصم بالله صح لسانك

من أجمل قصائد الغزل أن تكون القصيدة في هجاء المحبوب وهذا النوع يعتبر من أفضل أنواع الغزل وتذكرني بقصيدة قلت في أخر بيت فيها:

أنته من الإحساس عندك مناعه=دم الخيانة فيك والحب ضاعي

[المعتصم بالله]

عبدالرحمن الهيلوم

صح الله بدنك ولاهنت

تحياتي يالغالي