قصيدة رثاء في شيخ قبيلة نجدية حجازية

[فارس المورقي]

قصيدة رثاء في شيخ قبيلةنجدية حجازية
قصيدة رثاء في الشيخ سلطان بن جهجاه بن حميد العتيبي

سر يا قلم وكتب من الشعر قايل ##### أبيات شعرٍ نرثي الشيخ سلطان
لو كان كثرنا الرثاء بالمثايل ##### لا تطفي الحسرة ولا تبرا الأحزان
وشيخنا نرثيه والدمع سايل ####### دمعٍ على الخدين شيبٍ وشبان
وشيخنا بالمجد اله باع طايل ###### وله مكانه عند من حظهم زان
إن عدد الراوي شيوخ القبايل ##### من ابرز الشيخان الاقصين والدان
شيخٍ تحدر من عرين الاصايل ##### ذوي حمد قادات زيزوم الأظعان
حماية التالي نهار الدبايل ####### لأحميت الفتنة وزاغن الأذهان
ون طاب بال أهل القلوب الغلايل ###ا للي على الطيب لهم حقد وأظغان
لشيخ في بيت العرين البدايل ###### لو كان فقد الشيخ للقوم نقصان
امدح خياراً من خيار الحمايل ###### ماني بكذابٍ ولاني بغلطان
انشد مطيرً وحرب وأولاد وأيل #### ونشد سبيع وسال شمر وقحطان
اللي لهم بالمجد صايل و جايل ##### ولهم بتاريخ العرب علم وتقان
لعل بالجنة تحط الرحايل ####### بجنة الفردوس لشيخ مسكان
الموت حق وعائش الكون زايل #### والباقي الله خالق الأنس والجان

الشاعر / فلحان طراد المقاطي العتيبي

[فارس المورقي]

كيف الشعر يابن مشيب

[ابن مشيب]

مرحبا فيك اخوي والشعر تمام والقصيدة الي ذكرتها موجودة في المنتدى العام ومشكور ومرحبا فيك مرة اخرى.

[الصمصام]

شيخ من سلاله شيوخ لهم في المجد رايه



تقبل تحياتي
الصمصـــــــــــــــــــــــام

[عبدالله العتيبي]

شيخ ٍ كفو..الله يغفر له
ويامقاطي صح لسانك وماهي كثيره منك في حق شيخك . فقيده على الجميع رحمه الله

[فرهــودي]

لشيخ في بيت العرين البدايل ###### لو كان فقد الشيخ للقوم نقصان
امدح خياراً من خيار الحمايل ###### ماني بكذابٍ ولاني بغلطان
انشد مطيرً وحرب وأولاد وأيل #### ونشد سبيع وسال شمر وقحطان

وش أروع من هالأبيات..
مشكور جدا على القصيدة الحلوة..

والله يرحم اموات المسلمين.

تقبل تحياتي،،
نسيم الليل

[فهد الدعجاني]

صح لسانك ولسان شاعرها قصيدة رائعة لاهنت



اخوك======= فهد

[ابو وعيل]

هلا فارس العتبان يعطيك العافيه

والله يرحم شيخنا سلطان

الموضوع مكررر في المنتدى العاام
http://www.otaibi.host.sk/showthread...t=%D1%CB%C7%C1


وتحياتي اخوي فارس


اخوك ابو وعيل

[قـلـب الأســــد]

أخوي فارس العتبـــان صح لسانك و الله يرحم الشيخ / سلطان بن حميد









ودمتـــــــــــــم

[ولد الوبّيض]

وشيخنا بالمجد اله باع طايل ###### وله مكانه عند من حظهم زان
إن عدد الراوي شيوخ القبايل ##### من ابرز الشيخان الاقصين والدان
شيخٍ تحدر من عرين الاصايل ##### ذوي حمد قادات زيزوم الأظعان
حماية التالي نهار الدبايل ####### لأحميت الفتنة وزاغن الأذهان
.................................................. .................................................. ..............



صح لسان الشاعر على قصيدته في فقيدنا الشيخ سلطان بن جهجاه بن حميد وريث المجد وسليل الابطال وصاحب المكارم التي لاتعد ولاتحصى..


الله يرحمه ويسكنه فسيح جناته والعوض في ابناءه وعائلة الحمده الكريمه


العضو الكريم فارس العتبان اشكرك من القلب على ما ادرجته في هذا المنتدى من مشاركه تستحق عليها الثناء والتقدير

تحياتي