فالمنتدى فالمنتدى موجود ساطي المرشدي !!!

[أبو وافي العتيبي]

ساطي المرشدي

شرفني العب معك طال عمرك ولا حصل قصور

لك مني كل الأحترام والتقدير


أبو وافي

[مدقق القوافي]

ابو وافي العتيبي
ساطي المرشدي
ابداع لاحدود له
استمتعنا بمجاراتكم لبعضكم
واستفدنا من متابعتكم
لاهنتم

[صلف الروقي]

أبـــو واافـــي × ســـااطــي المـــرشــدي

طـــااروق جمـــــــــــيـل جــدا

حســـب الطـــلــب حســـــــب الطلـــــــب


تقبـــل مـــروري



أخــووكــمـ : صـــــلف الــــــــــروقـــي,,,,,,,,,

[المرشـ ساطي ـدي]

مدقق القوافي

على العين والراس
يالغالي

مرورك نوماس

شرفتنا الله لا يهينك

[المرشـ ساطي ـدي]

صـــــــــــــلـــــــــــــــــــــف الروقـــــــــــــــــــــــي

هلا وغلا ومرحبا

مرورك نور الصفحه
واسعد المتصفح

الله لا يهينك

[ابو عبد الإله]

الله لايهينكم

وصحت السنتكم الجميع


اتحفتونا باهالطاروق الممتاز

[أبو وافي العتيبي]

أبو عبد الاله المرشدي

صح بدنك ولاهنت على المرور


دمت بخير

[المرشـ ساطي ـدي]

أبو عبد الاله المرشدي

الله لا يحرمنا هالاطلاله


مرورك شرف يالغالي

وعسى الله لا يهينك

[معجب العتيبي]

أبو وافي العتيبي

سلام تسليم الوفاء والناس قبلي وبعدي = سلم العرب سلم العرب والنار من شبابها
فالمنتدى فالمنتدى موجود ساطي المرشدي = حسب الطلب حسب الطلب والنار من شبابها

المرشـ ساطي ـدي

يا مرحبا عد النجوم المرقبه حول الجدي=فاخر رجب فاخر رجب والنار من شبابها
المرشدي شاف الطلب ثم احتزم جاك يعدي=جاب الحطب جاب الحطب والنار من شبابها

أبو وافي العتيبي

دام البقاء ياراعي الطاله ولا أنته بردي = تصرف ذهب تصرف ذهب والنار من شبابها
الناس تمرح فاليال والوقت ياساطي مدي = حسب الكتب حسب الكتب والنار من شبابها

المرشـ ساطي ـدي

زيد الجهود وسرها تراك منته مبتدي=خصمك غضب خصمك غضب والنار من شبابها
واحسب حساب القادمه قدام في الدرب تغدي=قدم شبب قدم شبب والنار من شبابها

أبو وافي العتيبي

ياصاحبي تال الليال أشوف مشيك محتدي = لا تنقلب لا تنقلب والنار من شبابها
صيحت لك ياصاحبي صيحت لك ورفع يدي = خل النشب خل النشب والنار من شبابها

المرشـ ساطي ـدي

ياصاحبي من بعد ماكثر العدو والمعتدي=نفتل شنب نفتل شنب والنار من شبابها
يا جندي اترك ضابطك بيرقي افراده بدي=حسب الرتب حسب الرتب والنار من شبابها

أبو وافي العتيبي

رش المطر رش المطر بعد المطر جاي أبردي = لا تنسحب لا تنسحب والنار من شبابها
الله يساعد صاحبي لا جاء النهار الأسودي = لا ينغلب لا ينغلب والنار من شبابها

المرشـ ساطي ـدي

الطيبه والخيبه نحسب لها يالاجودي=كلٍ حسب كلٍ حسب والنار من شبابها
لا تحدني انظر لك بعين السباع الشردي=ثم تهرب ثم تهرب والنار من شبابها

أبو وافي العتيبي

الضاميه ياصاحبي تارد على راس المدي = كلٍ شرب كلٍ شرب والنار من شبابها
أن ماهداك الله ترى ماأنته باوالله مهتدي = ليلك طرب ليلك طرب والنار من شبابها

المرشـ ساطي ـدي

سَوق الجمل يم الحمل وافق عيون الحسدي=صابه جرب صابه جرب والنار من شبابها
تنشدني ودمعك على خدك ووضعك مرتدي=ويش السبب ويش السبب؟؟ والنار من شبابها

أبو وافي العتيبي

سوق الجمل سوق الجمل ذلحين أبا أذبح لي فدي = يال لعجب يال لعجب والنار من شبابها
ياصاحبي قل وش تبى نطبخ ولا فالندي = ماله قلب ماله قلب والنار من شبابها

التوقيع

[أبو وافي العتيبي]

معجب العتيبي

مشكور على التنسيق وبيض الله وجهك

دمت بخير