شاعر الحفاه=
ابو طايل نعرفه يعرف الغالب من المغلـوب=لكني مااتغارب يـوم يشهـد زور لصحيبـه
ترى مااحد طلب رايه ولاهو فالزمن محسوب=يكـرم لحيتـه والا نتفنـا روس اشانيـبـه
سعود العصيمي=
انا ماشهد بزور ولاانقص الواجب عن الماجوب=اقـول الحـق واوفـي كـل رجـالآ مواجيبـه
ولامنـك بغيـت الثانيـه فنجالكـم مشـروب=اخذها كـاش منـي واحسـب لعلـمٍ تجينيبـه
شاعر الحفاه=
أقول انك واحلف انك تحسد الشاعر الموهوب=هنـا والله مالـه نـدٍ الا كبتـن عتيـبـه
ومجنونك لو انك كل ماتصبح كسيتـه ثـوب=سوات المحزم الفاضي يسود وجه غازيبـه
سعود العصيمي=
لا تحلف ياالعتيبي وانت ما تعلم بسر قلوب = مايعلم بالقلوب الا الذي مانعلم ابغيبه
ونعمين به ادري انه كفو شاعر يسد النوب = واله عندي مقام وقدر وافي مانت داريبه
شاعر الحفاه=
اجل وراك ماانصفته قبل يومين فالمكتوووب!!= عرفنا سر قلبك من كلامـك يـوم تحكيبـه
تجامل مع خويك يالعصيمي غايه المطلـوب=تقول انه كسب وفـلان ماحصـل مكاسيبـه
سعود العصيمي=
ابا احاول يالين اعالج العله على الاسلوب = عساها حسنةٍ تدفع لها عن راسك مصيبه
عريق الساس بيته فوق ساسه بالحجرمنصوب = وحنا مادخلنا فيه لاشكة وريبه
« آخـــر الـــمـــشـــاركــــات »
العرض الشجري