النشاب
سلام الله سلامٍ يوم أنا ابدي فيه واقوله = ينومسني مع العتبان لامن طول المادي
أنا النشاب راع البل بعد صارت لي الدولة = أنا الشاعر وانا الحاكم من الوادي ليا الوادي
لاندكروزر
هلا يا مرحبا ترحيبةٍ ماهيب مقيوله = عوايد من عتيبيٍ على الترحيب معتادي
هلا بالراعي اللي حاكمٍ نفسه بزهموله = على الركبي يشيل الصوت خلف الذود وينادي
النشاب
يدوم الك البقا .. والا الخطاء ياصاح وش هوله = إذا انك مقتدي درب النشاما هم والاجوادي
تقوله بعد ماقلناه وكلٍ حسب مدلوله = ولكنا ليا قلناه نجهر فيه ونشادي
لاندكروزر
اقول انه ظلمني ظلم والاسباب مجهوله = انا ماخطيت لكني اوضح رايك الغادي
اثر من قال بانه خادم البيتين ندعوله = بطول العمر لو انه عن الصدقان متحادي
النشاب
تجيب الكلمة اللي تحمل الجنسين محموله = وتقول اني انا المخطي وانا الظالم وانا البادي
عسى الله ياخذ الهرجة ليامن جات مسلوله = وراعي الهرجة الله يصلح احواله.. هو الهادي
لاندكروزر
مشينا فاليمين وكل رجالٍ ومحصوله = ولا نمشي ورى اللي في طريق الشر منقادي
ابادعي معك يالنشاب والارواح مكفوله = كفلها اللي عطاني بين خلقه عرف وارشادي
النشاب
أنا ما طاب لي نوم العرب لو كان قيلوله = وشبرٍ من بلدنا مغتصب وبلادك بلادي
أنا بنشدك وش غمق البحر مع عرضه وطوله = وأنا عيني على البصرة وعينك صوب بغدادي
لاندكروزر
ليا حسيت بالارهاق والانفاس متلوله = تريح فوق ريش الطير ماش قيام وقعادي
واذا تسأل على بغداد والتفجير من حوله = عساء بغداد ما يبعد عن اللي جاه بجهادي
10-Jun-2008, 06:20 PM
العرض الشجري