محمدصالح العطاوي=
ياسلامي عدد مالاح برق الخيال=وعد ما دارت الايام والوضع فيه
ياسعود العصيمي شد حيلك تعال=فيه مو ضوع توة ودنا نبتديـه
سعود العصيمي=
مرحبا عد ماذعذع نسيم الشمال=مارقلي وش اللي يالعطاوي تبيه
نسمع العلم منك ونستمع للرجال=بعد نادى محمد واجب إنّا نجيه
محمدصالح العطاوي=
البقا يالعصيمي والدعاوي طوال=وانت رجلا نعرفك فالمعاني نبيه
سالفه صايره قدام خمست ليـال=ومن سمع بالكلام اكيد ماقد نسيه
سعود العصيمي=
الدعاوي كثيره والحقيقـه تقـال=بارك الله برجل ماقفـه يحتميـه
كان قصدك علوم حول ذيك الجبال=المثل قال ماكـلآ لقـى مايبيـه
محمدصالح العطاوي=
مابها ياوسيع العرف شك وجـدال=يقلع الله رجلا بالتصـرف سفيـه
اشرب اشرب من العد القراح الزلال=وسرها في عدلها لاتقولـون ليـه
سعود العصيمي=
الحقايق ترا ماهيـب مثـل الخيـال=وانت مدري وش اللي فالزمن تمتنيه
المعرفه تراهـا للرجـل راس مـال=قالوا اللي مايعرف للصقر يشتويـه
محمدصالح العطاوي=
عارفين الحقايق ياكريـم السبـال=وعندنا مع رجال العرف راياً وجيه
بين سعر الدولار وبين سعر الريال=طاح تال الليالي سعر صرف الجنيه
سعود العصيمي=
وانت مافيك قاصر مار هد الجبال=كان عندك سلاحآ للقشر محتسيه
العقد يالعتيبي كاثـره فالحبـال=وانت قلي وش اللي باقآ تحتريه
العرض الشجري