الليل ساري وأحب أسري مع الليل..؟

[احمد الزايدي]

احمد الزايدي

الليل ساري وأحب أسري مع الليل=سيفي ورمحي معي فوق الأصيله
نجم الجدي مايشابه نجم أبوذيـل=والدرب محسوب كيلـوه وميلـه

ابو وافي العتيبي

الليل ساري ياراعي الجيش والخيل=لكن عجل تراى الطرقـه طويلـه
أن كان تبغى السهل دربك تساهيل=وأن كان تبغى الشقاء فالدرب ميله

احمد الزايدي

الطرقه اللي تجيلك باالبهاذيل=أشوفها طرقه أنـا مستحيلـه
ياراعي الشاذليه والمعاميـل=عطنا علوم البدو وأنت الدليله

ابو وافي العتيبي

دامك تشوق المطر بعد عن السيل=شيل الضعن لا تحطه فالمسيله
البدو ياصاحبي ذباحت الحيـلي=احليل ذا الزايدي والله حليلـه

احمد الزايدي

ماتعرف أنت الرياجيل الحلاحيل=اللي من أشيوخ هذيك القبيلـه
أهل الأصيال لهم تقدير باالحيل=أبعد عن الذيب وأحذر لاتجيله

ابو وافي العتيبي

ياأحمد علامك تقوم أتحط وتشيل=وشتلت لك حمل ماتقدر تشيلـه
التاجر اللي تغره وزنـة الكيـل=يروح يبسط على صحن البليله

احمد الزايدي

ياراعي الفيل جاتلك طير أبابيـل=ترميك بحجـارت تـرى مهيلـه
ضاعت علومك بعدها وأنتها الفيل=الله سلط علـى أبرهـه وفيلـه

ابو وافي العتيبي

مدام هاذي علومك ختم القيل=يكفيك عن كثرت كلامك قليله
بغى يقهوي العرب لكنه أبخيل=أعوذ بالله من اليـد البخيلـه

احمد الزايدي

عوذ من أبليس وتركها التعاليل=دمك يارجل وش يحمل فصيله
مذكور راع الكرم جيل بعد جيل=من روس قوم يمـدون الجـزيله