ســـلام والأسـلام دايـــم يـأمــر بــرد السـلام,,؟؟

[معجب العتيبي]

احمد الزايدي

ســـلام والأسـلام دايـــم يـأمــر بــرد السـلام=على جميع المسلمين اللي على هدي النبي
فالسوق بيع ومشترى شي حلال وشي حرام=وابيع وشري واجتهد من أجل أحقـق مكسبـي

العازمي

يامرحبابك يالمسلم من عزيزين المقام = اللي على هدي النبي ماغيره احدٍ صاحبي
السوق بيع ومشترى والنور جلاي الظلام = والغاليه مطلبك يا احمد واعرف انّه مطلبي

احمد الزايدي

دام البقا يالعازمي في كل يوم وكل عام= وأنا تراني يالعتيبي قايم في واجبي
أعرفك رجال سنافي وافتخر بك ياالحسام=ديني ودينك واحد ومذهبك نفسه مذهبي

العازمي

عندي سوالٍ مختصر مافيه زود ولا كلام = في كل ديره جرّتك وشهو حصيلك ياصبي؟
يمناي مع يمناك يا احمد فالمواقف مانلام = خل الهجوس الضاميه تارد عذيب المشربي

احمد الزايدي

في كل ديره جرتي ذيب يدورله طعام=مايفرس الامن خيار الضان فرسه يعجبي
يمناي في يمناك لن غربت ولا رحت شام=الرجل لازم في زمانه لجل نفسه يتعبي

العازمي

دايم تروح وفطّرك ترجع مع العنوه حيام = ياكبر هقواتك وقدام الذيابه تختبي
لاهبّت العليا وصار الجو تقتير وعسام = ماضاقت الارض الفسيحه غير بعيون الغبي

احمد الزايدي

الفارس المقدام في وقت المعارك ماينام=تلقاه واسط المعركه يسبي في خلق الله سبي
ماينهزم قدم الرجال الا المصوب بالسهام=وأنا عتيبي والعتيبي من خيار المنسبي

العازمي

يافارس الشعر المسمّي وش تحقق من حلام = في كل ليله ماحصلّلك شئ من لحم الضبي
ياعتيبي انته فالمواقف عارفينك ماتضام = لكن فالميقاف هذا تاتروح امصوّبي

احمد الزايدي

مـا دامت أني في صلاتي حاضر مع الأمام=أنقلت قول باذن ربي ألتزم به مكذبي
السيف في يمناي وأشيل الذخيره فالحزام= لكن مني ياالعتيبي لا تحاول تقربي

التوقيع