عـيـد الـعـازمـي , شغّلت السيارة وسلمته الدركسون

[قادح شرار]

يا سـلامي سـلام ٍ فيـه بـاسـي شـديد === وإحـمـد الله بعد جيتك برد السلام


جبتـلك ذود كـامل وأنت سوقه يا عيد === سـوقـها لـو تـوديها لـهجـرة نعام

[عيد العازمي]

مرحبا يالمسلّم مثل فل الحديد = الحديد المكسّر ماله الا اللحام
مايجيب السمينه غير راع الرصيد = وانت منها يدينك خاليه ياغلام

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلطان الجـذع]

الله الله

صحت الالسن والصف صفك

يا قادح شرار مجندل الشعار

[قادح شرار]

قلتلك منت عيد أظنك أنته سعيد === صَغرت القوم في عينك بذاك الوسام


يوم سلّــمتك الطُرقة نبا نستفـيد === ميـر أظنـه بـعـد هرجـتـك جاك إتـهام

[فهيد الايدا المورقي]

الله الله الله


صحت السنتكم جميع


واصلوووووووووووووووووووو

[عيد العازمي]

كان تبغى الوسام اخذه بحبك القصيد = كل نفسٍ عزيزه تفرض الاحترام
لا يردّك عن الطرقه رسايل بريد = سرها والبروق اتلوح وسط الظلام

[عيد العازمي]

الجذع هلا وغلا طيب ههههه


بناخي الايدااااااااااء صح ابدنك

[قادح شرار]

لـو بغيـت الوسـام أباخـذه مـن رشيـد === ماني بماخذ ٍ منصب ماغير بكلام


ويش رايك نبى نسري لصحراء وبيد === وإن تـوفـيت فيـها جـعلكم للرحام

[قادح شرار]

المشاركة الأصلية كتبت بواسطة سلطان الجـذع

الله الله

صحت الالسن والصف صفك

يا قادح شرار مجندل الشعار

حياك الله يابو عبدالله .

أشكرك على مرورك الجميل طال عمرك .

[قادح شرار]

المشاركة الأصلية كتبت بواسطة بناخي الايداء

الله الله الله


صحت السنتكم جميع


واصلوووووووووووووووووووو

حياك الله يابناخي الأيداء .

صح بدنك .

مشكوووور على مرورك طال عمرك .