ارقام التصويت لحزام العصيمي

[وافي الخماش]

قصيدة قديمة لحزام العصيمي حبيت انقلها لكم ..

الله مـن قلـبٍ سطابـه عـذابـه
وركز سهومه فالضلوع المحاديـب
مافيه هم الا علـى القلـب جابـه
وجمع هموم الكون من غير تحسيب
وتناهشـن قلبـي سـواة الذيابـه
وقلبي لهنه من خيـار المعازيـب
لاشك مايكتب على العبـد صابـه
مكتوب في لوحٍ يحفـظ المكاتيـب
يعمل عمل لابـد يلقـى الجزابـه
يلقى الجزا مافيه شكـه ولاريـب
واللي يميز فالخطـا مـن صوابـه
ياخذ من الدنيـا دروس وتجاريـب
منلا التفت للمرجلـه فـي شبابـه
ما تلتفت يمه ليـا رشـه الشيـب
ومن لايثمن كلمتـه فـي جوابـه
فرحو عليـه مدوريـن العذاريـب
ومن لايكمل لازمـه مـن زهابـه
يبلش ليا صكـن عليـه المغاليـب
ومن لاحسب لليوم الاسود حسابـه
تقطعت عنـه العـرا والمقاضيـب
ومن يهاب النـاس محـدن يهابـه
ومن لاحسب للعيب لايامن العيـب
ومن شق ثوب الناس شقـو ثيابـه
ومن لا تعب للطيب ماحصل الطيب