ان مالفيت برغبتك تعتذرلي = مااجيك لو عقلي من الهجر مغروف ..!!!

[بدرالهبيري]

السلام عليكم ورحمة الله وبركاته ..


بكل الحب اصافحكم اخواني بهذه
الخاطره واتمنى ان تعجبكم ..

وشلون هانت ضيقتي عند خلي = وانا احسب انه يرحم الحال ويروف
قاسي وقلبه فيه حقده يحلي = وانا وقفت وصفر الـِـيدين مكتوف
قفى وخلاني للاحزان من لي = ليته يجيني يسبر الحال ويشوف
مالي نديم بدنيتي غير ظلي=عقبه طواني من عنا البعد صادوف
ابات ليلي ماعرفت التسلي=وانا بشوفه لي زمانين مشغوف
اخطا عليْ ولالفى يعتذر لي = مايدري انه بالعذر صار مكلوف
وانا اعتذر لااخطيت مهما حصلي=ولاالحق اعذاري على مثله احسوف
كم انتضرته لكن الوقت زلي=ولايفيده عقبها عذر واحلوف
الكون كله صار ملْي بملي=في ناضري والدرب هوْيــَات واجروف
واصبحت اتوه الدرب ساعه وادلي = والصبر مفتاح الفرج قيل معروف
لاشك صبري من فعايلك ملي=وامسيت اكافح غلطتك ظلم واحتوف
ويلاه من جرحي وحزني وغلي = ولاقضيت بدنيتي ودْ واشفوف
لكن رجيتك عقب الاوجاع قلي=وش نيْتك كانك عن الوصل مصروف
لاجيتني نصك ترى جيت كلي=وان جيتني وحدك ترى جيتك اصفوف
صحيح بعدك علّ الاعماق علي = والدمع من عيني على الخد مذروف
لكنه اهون من عذابي وذلي = خطاك مايِــِـغفر كذا بس بااحروف
ان مالفيت برغبتك تعتذرلي = مااجيك لو عقلي من الهجر مغروف
ولو قلتلي سبة غيابي تغلي = يحرم عليْ آجيك يازين .. واتشوف

وسلامتكم .

تحياتي وتقديري .. بدرعيد ..

آخر تعديل بدرالهبيري يوم 01-May-2008 في 06:29 PM.

[مرزوق حمدان العتيبي]

..
.
صح لسانك يابدر ...على هالقصيده الرائعه ..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بدرالهبيري]

الشاعر مرزوق حمدان العتيبي صح بدنك يالقرم
ولاهنت الرائع حضورك وتشريفك لي ..
تحياتي وتقديري .. بدرعيد ..

[عبدالله الجـــذع]

وانـا اعتـذر لااخطيـت مهـمـا حصـلـي
ولاالحق اعذاري علـى مثلـه احسـوف


بدر والله اني استمتعت بكل حرف كتبته أعلاه

بيض الله وجهك يالجزل

لاتحرمنا جديدك يالغالي..

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيصل المسعودي]

رااااائعه يالحربي

صح لسانك يالغالي

لك وافر الشكر على تواصلك الدائم وتواجدك الرائع

تقبل تحياتي

[سلطان العصيمي]

صح لسانك على القصيدة الجزلة

[أبو نجر النفيعي]

..

الله الله

صح لسانك يا بدر .. وفي انتظار جديدك .!!



أخوك

التوقيع

.....

[بدرالهبيري]

المشاركة الأصلية كتبت بواسطة عبدالله الجـــذع

وانـا اعتـذر لااخطيـت مهـمـا حصـلـي
ولاالحق اعذاري علـى مثلـه احسـوف


بدر والله اني استمتعت بكل حرف كتبته أعلاه

بيض الله وجهك يالجزل

لاتحرمنا جديدك يالغالي..

محبك

,

الجذع عبدالله بيض الله وجهك يالقرم على الحضور
لاهنت وتشرفت بك وبردك وصح بدنك واستمتاعك
اعده استمتاع لي يالغالي ..
تحياتي وتقديري .. بدرعيد ..

[نشاط الزلامي]

بدر الهبيري

...

صح لسانك وبيض الله وجهك

...

قصيده رائعه تستحق المتابعه

...

[هيض القصيد]

صح لسانك اخوى بدر علي القصيده الجزله