سـلـطـآن المنصوري وفـوآز العزيزي

[وافي الخماش]

فواز العزيزي



يامرحبا عد الخيال اللي معه برق ورعد *******اللي ليا خيّل على الديره يغيّـر لونهـا
ياربعنا السلمان لاحظر الثبيتي فالوعـد ******عسى هل السيل الكبير تراقبه بعيونهـا



سلطان المنصوري




دام البقاردية( ن ) تهدى عـلاك بـلا عـدد***** من عزوة ( ن ) بين القبايل مااختلف قانونها
حنا اليامنا حضرنا قـام ابـو زيـد وقعـد **** يخاف نطحن حبته بعد استـوى مطحونهـا



فواز العزيزي



الله يستر من حضور السبت وغياب الأحد ***** ومن السباع اللي تورينا بياض سنونهـا
اللي معه حجه على غيره يجيبلها سنـد***** حتى يثبتها كما الجمرة علـى غليونهـا



سلطان المنصوري





انا ليا شفت العزيزي قلت ماشاء الله ولد ***** واثره ولد لاهو ورى الحروه ولا هو دونها

عز الله اني قلتلك لاتامن حمود وحمد *********للكن قل لاام القرين تحول دون قرونها



فواز العزيزي



أنا ولد وأبن ولد وبمنزلـه حاكـم بلـد **** ****واصل مواصيل (ن)كبار ثبيت ما يصلونها
والطرقي اللي تعب أقدامه يبي حل العقـد ****أقابله وأسمع علومه وأعرف مضمونهـا


سلطان المنصوري



انته ولد قد البلد لكن ماعندك جهد **** تطرد ورى ذيك العجوز اللي كسرنا شونها
والطرقي اللي تذكره مد الك حبل من مسد ***وده يربط بالحبل ليلى ورى مجنونها


فواز العزيزي



حنا على عز ومعزه والبيـوت ام العمـد *****ماهماتـسـوي يالثبيـتـي ماتـهـد اركونـهـا
والعالم الله وش يكون الذيب قدام الاسـد ****يوم الليالي سرها في ظهورها وبطونها




سلطان المنصوري



ابيوت ماتبنى على سيسان تبشر بالهدد *** واول دمار ابيوتكم يوم انكسر كيلونها

قلوبكم فيها صدى وعيونكم فيها رمد ***** والمرجله ماهي بضاعة في بطن كرتونها

[عبدالرحمن الهيلوم]

مشكووووووووووور يالغالي

[محب الهيلا]

يعطيك العافية

مشكور وماقصرت على النقل الرائع

[دوسي زهراني]

الف شكر على المحاورة الجميله بين مستقبل عتيبه ومستقبل مطير [ شعار مميزين ] ...

[/عبد العزيز الجذع/]

محاورة رائعة..

[وافي الخماش]

الــهـيلوم


محـب الهيلا


دوسي الزهراني


الجـذع


شــكراً علىآآ مروركم الله لايحرمنا من طلتكم

[وحي العقل]

انا ليا شفت العزيزي قلت ماشاء الله ولد ***** واثره ولد لاهو ورى الحروه ولا هو دونها


أنا ولد وأبن ولد وبمنزلـه حاكـم بلـد **** ****واصل مواصيل (ن)كبار ثبيت ما يصلونها

هههههههههههههههههه اكل المقلب




شكراً ياوافي

[عبدالله الجـــذع]

ماشاء الله على سلطان شاعر خطير

الله يوفقه يارب.

مشكور يالغالي..

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[وافي الخماش]

طــوٍيــق

شكراً علىآآ مرورك وحضورك الرآئع

[وافي الخماش]

عبدالله الجذع

شكرا علىآآ مرورك . ولا هي غريبة على ابو هيآف