.
السلام عليكم ورحمة الله وبركاته
هذه قصائد غزليه لشاعر الكبير حبيب العازمي
~*¤®§(*§ ياطير السعد §*)§®¤*~ˆ°
ياطير يا طير ياطير السعد يا للـي تـرف الجنـاح=لا واهنيـك ليـا ضاقـت عليـك الأرض خليتهـا
وإن رحت وإن جيت ياطير السعد تسبق هبوب الرياح=وأظن ما فيه ديره فوق وجـه الأرض مـا جيتهـا
ما نته بمثلي تجي وتروح ما يصعب عليك المـراح=لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح=اللـي علـى شانهـا الاقـدام عنتـنـي وعنيتـهـا
في ماض الأيام أشوفه قدم عيني فالمسـا والصبـاح=واليوم حتى العلوم اللي تجينـي عنـه مـا أوحيتهـا
وليا نشدت العرب ما حدن يعلمني عنـه ويـن راح=وأتعبـت نفسـي وبالنشـدة كثيـر النـاس بذيتهـا
لا ووجودي على شوفك ولو مره يا ظبـي البـراح=ياللي على شانـك العبـره علـى الخديـن هليتهـا
يا بو عيونٍ هدبها يـزرق العشـاق زرق الرمـاح=ذبحت روحي على كفـك برمـش العيـن واحييتهـا
°ˆ~*¤®§(*§ العالم المجهول §*)§®¤*~ˆ°
الايالعالـم المجهـول حدثنـي عـن المجهـول=انا احس الحياه اسـرار والعالـم تعيـش ابهـا
انا اكتب فيك شعري واتسـأل وانتـه المسئـول=عـن الفكـره وشاعرهـا وقاريهـا وكاتبهـا
تعبت اطرح سوالاتي وافكـر مالقيـت احلـول=ماغير اطرح سوالاتي علـى نفسـي واجاوبهـا
لياقلت الخيال احلـى يامـر الواقـع المعقـول=اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهول=سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول=طريقً شـاب راسـي منـه وامثالـي مشيبهـا
طريقً فيه عز النفس يشهـر سيفـه المسلـول=وقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول=انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول=ليافاضـت تسابـق ساعـة الوقـت وعقاربهـا
تمر اثقل من اللحظه على اللي ينتظـر مرسـول=لكن اسبق مـن العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول=انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول=سلاطيـن المعانـي فيـه مرسيـةً مراكبـهـا
بحر في عمقه الاهوال والفاعـل مـن المفعـول=لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول=تجارة رابحه فالبحـر جابتنـي وجيـت ابهـا
سنين اجمع من اللؤلؤ واعد الحول بعـد الحـول=وصفيتـه علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول=وقدمـه مزنـةً غـرا وبـرقً فـي جوانبهـا
وفوقه بادياً مبـدا القمـر مبـداً عليـه ايحـول=شعاع الشمس في يوم امس لحظه قبـل مغربهـا
هذا وصفً تحلابـه عشيقـة عاشـقً مذهـول=يعيش ابحبها وايهيـم فـالارض ويهيـم ابهـا
يجاذبني هواها وايتجاذبها شـرف واووصـول=شريفـه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول=لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول=هذا سلم الحياه اللي يعيـش ابهـا يمـوت ابهـا
°ˆ~*¤®§(*§ لاتحدّاني §*)§®¤*~ˆ°
جيتك مسلّـم مسـا لـم لاتحدانـي=أقول لك كلمة ماهـي علـى بالـك
أقول الأول تراه أنته وأنـا الثانـي=في سيرة الحب أوقع لك على ذلـك
ياصادق الود ليه أعلنـت هجرانـي=أن كان من جد فـال الله ولافالـك
ماني مصدق ولو أتغيـب تنسانـي=وإذا تناسيت تأثيرك علـى حالـك
صحيح أبا اعيش في لوعه وحرماني=لكن أبا أصبر ولجمع صبري ألا لك
أنا عطيتك عهد والصبـر برهانـي=وأن كان فكرت أبا أنساك إتهيالـك
وأنا مفوضـك تأمرنـي وتنهانـي=عيوني لخاطرك والقلـب منزالـك
°ˆ~*¤®§(*§ الهنوف §*)§®¤*~ˆ°
الهنوف اللـي ملامحهـا تشـد الناظريـن=قابلتني كيـف مـدري كيـف اناقابلتهـا
المهم اني وقفـت وكـان عنـدي كلمتيـن=قلـت وحـده مرتبـك والثانيـه ماقلتهـا
قلت كلمة من خايف كنت اباكمـل منيـن=مير ياحسـرة لضيـق الوقـت ماكملتهـا
كل مافالامر نظرة ساحرة من طرف عين=ارسلتهـا لـي وانـا رد اعتبارارسلتهـا
قلت اباكتب قصتـي فـي جملة"للعاشقيـن=ماطلعـت بجملـة" تكـفـي اذا حللتـهـا
واختصرت الامر صبرا" يامعين الصابرين=واعرف اني معك ياقلبـي نعـم طوللتهـا
والغلا ياقلـب تذكـر وقتهـا وداك ويـن=لو معك حيلة قبل تضحك علـي احتلتهـا
يامعاتبني معذبنـي علـى طـول السنيـن=رحلتي مـن حيـث ماوديتنـي واصلتهـا
°ˆ~*¤®§(*§ حسبي الله ونعم الوكيل §*)§®¤*~ˆ°
بعد ثالث ثلاثه حـل والوقـت ليـل=كل عين" من العبرة سقـت خدهـا
ارتعش واتثبـت والعبايـر تسيـل=لقـدر اقـول ليـه ولقـدر اردهـا
واقف" وقفت المحتـار وقت"طويـل=انظـر لواقعـي بالعيـن واصدهـا
مقدر اهرب من الواقع على المستحيل=تقصر الرجل خطوه قبـل لامدهـا
بين حزن الوداع وبين هم الرحيـل=كـل لحظـه تمـر بهـم واعدهـا
حسبي الله على الفرقا ونعم الوكيـل=هددتني وانا مجروح مـن ضدهـا
اشهد الجدي في مبداه واشهد سهيـل=قصتـي تبنـي الاهـرام واتهدهـا
ماشفالي جروح ولابردلـي غليـل=صادت الروح روحا" بيحت سدهـا
كلما قلت شده قلـت يمكـن تزيـل=وكل ماقلـت راحـة قلـت لابدهـا
شرهت القلب عدل ونظرة العين ميل=اقنع النفس ميـر النفـس ماودهـا
المشاعر لها بيـن الحنايـا صهيـل=والخواطر تحـز النفـس واتحدهـا
اكتب الشعر من دمي ودمـي ثقيـل=كل ماجيـت امـد القافيـه شدهـا
اقربي يالقوافي واشربـي سلسبيـل=من نهورا" يذوب الذوب مـع ندهـا
وذعني للحقيقه واشربـي حنظليـل=من بحورا" يساقي جزرهـا مدهـا
مايشح الكريـم ولايجـود البخيـل=كل نفـس" طبيعتهـا علـى قدهـا
°ˆ~*¤®§(*§ خواطر ليل §*)§®¤*~ˆ°
خواطر ليل نكتبها تحت نـور القمـر ولاّ=تحت جنح الظلام اللي حجب نور القمر عنا
خواطر ليل وش هاالليل لابقّـى ولا خـلا=يدبر مايحب ومايريـد ولا اعتـذر منـا
ونحن معشر العشاق لونضحـك ونتسـلا=مجاريح الغرام وعاشقين الليل ابـد حنـا
نهلي به لكـن يـروح لارحـب ولاهـلا=بعكس اللي نقابـل بـه اذا قابـل يقابلنـا
مشاعرنا تفيض بالسعـادة والفـرح كـلا=تعاملنا بصـدق ولا لقينـا مـن يعاملنـا
وهذا طبعنا مهما حصل بالصبـر نتحـلا=الا ياكثـر مانسمـع ولـكـن تحملـنـا
ولو انا تغلينـا مصيـر العشـاق يتغـلا=علينا ثم يحطمنا من ايسرنـا الـى ايمنـا
درينا كم غلا عشق طغى وعن سكته ضلا=تذكـر يـا ناسينـا وتعرفنـا ماتجهلنـا
ليا منك ذكرت اللي بقى واللـي بعـد ولا=عرفت انك بدون احساس ماتقدر توادعنـا
°ˆ~*¤®§(*§ استفزك §*)§®¤*~ˆ°
قال الوداع وقلت وين انت ماشي=قال استفزك قلت طلعت روحـي
قال امتأكد قلت رغـم اندهاشـي=ارجوك قدّر موقفـي لاتروحـي
قال استريح ومن عظيم ارتباشـي=اضحك فرح وانا دموعي تفوحي
قال انت تضحك ليه والدمع جاشي=مدري كلامك جد والا مزوحـي
قلت انتفاهم قـال ليـه النقاشـي=اسمح لقلبي بالصراحـه يبوحـي
هذا صحيح الحـب والا بلاشـي=ياحبـي الاول وبلسـم جروحـي
ياغيث قلبي من صدوق المناشـي=يفداك برق" في جبينـي يلوحـي
رمش" لك الحاف"ورمش"افراشي=يامنتهى عزّي وغايـة طموحـي
°ˆ~*¤®§(*§ بالخط العريض §*)§®¤*~ˆ°
عطيتك غالي الاسرار يا اغلى من يجئ ويروح=وابي منك التجاوب والصراحه ماحصـل ذلـك
كتبت السر بالخط العريض وقلت انـا مجـروح=وكنك ماقريت ولا خطر علمـي علـى بالـك
ابيك تخفف الاهات وتعالـج جـروح الـروح=وتروف بحال من يدري قبل حاله علـى حالـك
قبل تدري عن القصه ترى عنك الخطاء مطروح=وعقب انك دريت اليوم سو اللـي يـورى لـك
انا حظي كذا وانته عن اللـي تعملـه مسمـوح=ولكـن انـك تاكـد ماعطيـت النيـه الا لـك
ولن فكرت او قررت كل اللي يصيـر مـزوح=انا اقول الك جـد وجـد والعكـس يتهيـا لـك
اباكد لك وتكـد لـك عيـون بالدمـوح تفـوح=وفكر حافظ صورتـك فـي حلـك وترحالـك
وقلب كن في جوفه صدى صوت الحمام ينـوح=طلع مضرب مثل تضرب به الامثال لامثالـك
دخلت القلب وحدك باعتبـاره منـزل مفتوح=عسى الله مايكدر نزلتـك فـي وسـط منزالـك
ولن بشرتني بمواجهك عشـت بسعـد وفـروح=ولـن بشرتنـي بفـراق فـال الله ولا فـالـك
°ˆ~*¤®§(*§ صدى صوت الغرام §*)§®¤*~ˆ°
ياصدى صوت الغرام وترانيمـه=يامراويس الغلا اللي بـرا حالـي
الغلا اللي في ضميري تقاسيمـه=تمضي الايـام والغالـي الغالـي
من بدايةوجد وافي علـى شيمـه=اتوجد مثـل الاول علـى التالـي
والمحبـه حاليـه مالهـا قيمـه=مرها يحفظ لهـا قيمـة الحالـي
مايهز القلـب ويزيـد تحطيمـه=غير يومُ فيـه فرقـا وغربالـي
كـل طقـه فالمحبـه بتعليـمـه=تفرض الصادق على كل محتالي
ياحبيبي حبـك اقـرا مفاهيمـه=كل مايطري فراقك علـى بالـي
ارتعش من قد حبـك وتعظيمـه=واعترفلك كـل شـي ايتهيالـي
وان حصل من نظرة العين تسليمه=صرت مثل الشامخ النايف العالي
ياسنـا بـرق الحيـا يامقاديمـه=غيث قلبي كل مايشعـل اشعالـي
°ˆ~*¤®§(*§ على فكرة §*)§®¤*~ˆ°
على فكره تراني كنت ماشي من قبل لاجيك=ولاكن افتكرت اني لابد اقول لـك ماشـي
تباتزعل وانا ماعاد ابي شيئا" بقي يرضيك=والايانايرا" عني ترانـي عنـك منحاشـي
مدام اني على طول الليال الماضيه مغليـك=وترخصني انا مجبور ابيعك لـو ببلاشـي
اباامسح ذكرياتك من خيالي وافتقد طاريك=على وضح النقا ماني مثل شرواك غشاشي
هذاه اخر قرار وكان يامغـرور مايكفيـك=مابي فرقاك بالتقصيد ابي فرقاك بالكاشـي
انامبغيك انامبغيـك انامبغيـك انامبغيـك=وراس" ينحني للمهزله لاعـاش لاعاشـي
على فكره تاكد مستحيل انـي افكـر فيـك=انا مانيب لاش ومن رجع في كلمته لاشـي
جزا"الك لارضا"لك ودي اعذبك واجازيك=وهاذي عاقبت من يسمع النمه من الواشـي
°ˆ~*¤®§(*§ برق السراب ولابريـق المرايـه §*)§®¤*~ˆ°
احلم ترى ماصار فيـه الكفايـه=العفو عند المقـدرة وانـت قـادر
ان كان لك رغبة ومقصد وغايـه=حققتهـا لكـن بالعفـو بــادر
من البدايـة ليـن حتـى النهايـه=وافي معك ماكنت في يوم غـادر
والعكس بالهجران تحسن جزايـه=ومجندٍ لك فـي حياتـي كـوادر
يامنتهـى درب الشقـا ياشقايـه=انته من انواع الشقا نـوع نـادر
اكسب رضا نفسك وترهن رضايه=مدري متى عنك التكبـر يغـادر
مدري خطاك الصبر ولا خطايـه=نبا نتأكد مـن جميـع المصـادر
وان كان سميت النهاية....بدايـه=يحسب غريق اللي مع السيل حادر
مايرتفـع للعز..بالـذل رايــه=ياواردٍ للعـد صاحبـك صـادر
برق السراب ولابريـق المرايـه=ارحل وجعلـك بعدنـا ماتكـادر
°ˆ~*¤®§(*§الناتج تونتي 20 §*)§®¤*~ˆ°
ياغـلا كـل الغـلا تستاهلينـه=كيف أفرط في الغلا والغالي أنتي
أشهد أني في غلاك أول رهينـه=واشهدإنك وحدك بقلبي سكنتـي
يمكن أكثر شئ عنـي تعرفينـه=أني أعرف موقفك من حيث كنتي
والصحيح الاكثر اللي تجهلينـه=ولوعرفتي كامل الموضوع منتي
قـادره كـل الكـلام تصدقينـه=والسبايب يوم بالامر استنهنتـي
مير قلبي مخلـص الله لا يهينـه=ما حسبها شرط والناتج تونتـي
قلبي اللـي كـل يـوم تعذبينـه=ماكتفيتي يوم بالغيـر استعنتـي
يكفي إنـك بالمحاسـن تفتنينـه=ويكفي إنك غير قلبي ما فتنتـي
ويكفي إنك ما قدرتي ترحمينـه=ويكفي إنك بالعهد والوعد خنتـي
°ˆ~*¤®§(*§ بنت ابدوية §*)§®¤*~ˆ°
ودعيني بالسلام ورحمـة الله وابركاتـه=واذكريني كل ماتطري على البال التحيـه
واتركيني للحنين اللى شعوري معجزاتـه=اتركيني بالجـروح الابجديـه يابجديـه
اتركيني عاشق"يكتـب بدمعـه ذكرياتـه=من شعورٍ صادقه ماهيب نبـره عاطفيـه
عاشقٍ مخلص ولاخان العهد من طيب ذاته=كل يوم ايقول تجديد العهـد حـق ٍعليـه
كان ابه عاشق تأثرت وتفاخرت بصفاتـه=قيس منهو قيس وينه قيس وين العامريـه
ماصفى وقت الهوا لاهل الهواوده وهاتـه=قالو العشاق سنه واكثره ذنـب وخطيـه
اشهدو بالله مايرخص على الدنيـا حياتـه=كود رجال ابدوي مثلي عشق بنت ابدويه
°ˆ~*¤®§(*§ بدون مجاملة§*)§®¤*~ˆ°
يالغالي اللي عليك الشـوق يدفعنـي"="ياكبر شوقي وروحي منك ملهوفـه
تبي الصراحه بدون أمجامله يعنـي"="مشاعري منك مجروحه ومكسوفـه
انته يحق ألك تطعنـي وتوجعنـي"="لاكن أنا من غلب حبه على خوفـه
وأناترى اللي على حبـك يشجعنـي"="وقتِ مضى في خيالي دايم أشوفـه
أراجع الحب والذكـرى تراجعنـي"="وأقرأ سجّل الغـلا وقبّـل حروفـه
أستقبل الطيف والـرؤي توادعنـي"="تلحق على الركب في مسراه وطوفه
وأخاطب الصبر بالحسناويخدعنـي"="وأقول ليته قضى وأشوف معروفـه
الصبر ياغايتـي ماعـاد ينفعنـي"="عقب أصبحت لحيتي ماهيب مخلوفه
وش ينفع الصبر كان الوقت ضيعني"="وأخطيت من يطعن الخفاق بسيوفـه
[align=center]°ˆ~*¤®§(*§المزنـــة §*)§®¤*~ˆ°[/align]
المزنه اللي وجهها أبيض من الشاش"="والبرق فيها مـن جميـع النواحـي
لوماسقا الظميان من وبلها أرشـاش"="لاشاف بارقها العطش عنه راحـي
الله يجنبها عـن الخبـل و الـلأش"="ياكود شوفت برقهـا يـوم لاحـي
والشوف بالعينين مسموح وبـلاش"="والمشي جايز فالطريـق المباحـي
واللي يطمن هامةالـراس ماعـاش"="وأن عاش حبراً فوق قرطاس ماحي
ما أحدٍ يقول لموفي الكيل غشـاش"="وماأحداً يقول ألفاقدالعقـل صاحـي
وأنا الذي من دوش الأيام منـداش"="أبستريح وخاطري مـا أستراحـي
كيف أستريح وعبرتي تحرق الجاش"="والصبر مـا باقيلـه الأ جناحـي
أيوالله اني ماتوّجـد علـى مـاش"="وجدّي زعيم الوجد والسـد باحـي
سبحت غبات البحروالبحـر طـاش"="وشفت الصعوبه فالمجّي والمراحي
ولقيت لي درة بحـر دوب تنـاش"="كم واحداً من دونهـا قـام طاحـي
وأناماألوم اللي عن البحر ينحـاش"="وألوم من مايعـرف أنـه ملاحـي
والدره اللي مثلها بيـن الأرمـاش"="من قال عنها قلـت عنهـا يلاحـي
روحي ثمنها وأدفعه فالطلب كـاش"="وأن مـت منهاماطلبـت السماحـي
°ˆ~*¤®§(*§ سلام الموادع §*)§®¤*~ˆ°
سلّم سـلام المـوادع رافـعٍ كفـه=واغضى بنجلٍ تقول النوم داخلهـا
وأنا عيوني تهل الدمـع.. وتكفـه=أكف دمعـي بكفينـي وأنـا ملهـا
كله على شان ما أشوش على شفـه=أخشى يشاهـد دموعـي ويتخيلهـا
غالي وابغليه واقف معه في صفـه=وأطاوعه لو أضيم النفس وازعلهـا
يا روح روحي وروح الستر والعفه=اركـن عليّـه همومـك واتحملهـا
مالي وليفٍ عليـه الـروح ملتفـه=إلا أنت ياللي عليك الروح باذلهـا
وان كان في صالحك ما ترجح الكفه=وش خانة الحب والعشره من أولها
شبيت ضوك وأنا ما قلت لك طفـه=أصبر ولا أقول طف النار وأشعلها
°ˆ~*¤®§(*§ الساحل الغربي §*)§®¤*~ˆ°
مرت الايام يالساحل الغربـي=مانسيت الذكريات وطرايفهـا
الله اكبر كيف الايام تغدربـي=واتجاهل كل وقفه واصرفهـا
ماهتنا زادي ولايهتني شربـي=ولااعترف بالاغلبيه ولااعرفها
والعيون اللي خجوله تناظربي=والمنايا كلهـا فـي طوارفهـا
في بحر جده من العام تبحربي=واتراجع وادفعتنـي مجادفهـا
ياحبيبي كان قصدك تعذربـي=انت فيك الناس كثرة سوالفهـا
لاتقفلي وقفة الحزن في دربـي=استريح وحضرتـك لاتكلفهـا
تعبت اقدامي من البعد والقربي=ولامشيت بخطـوةٍ ماتشرفـه
°ˆ~*¤®§(*§ خل الغلا يذهب §*)§®¤*~ˆ°
خل الغلا يذهـب وتذهـب بقايـاه=علـى حطـام الذكريـات القديمـه
ماعـاد يعنينـي ولا نيـب ويـاه=عفيّت عنـه وعفّـة النفـس شيمـه
عشق الترف مهمـا تعـدد مزايـاه=في قائمة بعـض الروابـع عقيمـه
مثل السراب ادناه يطرد ورى اقصاه=ونهايتـه كلـه يـذب الخريـمـه
لايسقي الضامي ولا يختفـي مـاه=الا ليـا مـره مـن الغيـم غيمـه
ياقلـب لاتنـدم عـلـى ماتمـنـاه=بعض الندم على حسابـك جريمـه
كم مر من هـمٍ علـى الله مشكـاه=لكن مايبني علـى الصبـر خيمـه
ياقلب من دور علـى شـي يلقـاه=واللي بلا قيمـه لا تعطيـه قيمـه
ليا متى المخطـي تحمـل خطايـاه=و ليا متي وانتـه عذابـك ظليمـه
كان الغلا يقتـل وينعـى ضحايـاه=اكيـد ماينعـى ضحايـا النميمـه
والحـب يلقالـه محبيـن تـرثـاه=وانـا رثيتـك يالدمـوع اليتيـمـه
ونهايـة الغـدار تكشـف نوايـاه=ولا تجيـب لـه العواقـب سليمـه
°ˆ~*¤®§(*§ ودعيني بالسلام §*)§®¤*~ˆ°
ودعيني بالسلام ورحمة الله وابركاتــــــــه=واذكريني كل ماتطري على البال التحيه
واتركيني للحنين اللى شعوري معجزاته =اتركيني بالجروح الابجديه يابجديــــــــــه
اتركيني عاشق"يكتب بدمعه ذكرياتـــه =من شعورٍ صادقه ماهيب نبره عاطفيه
عاشقٍ مخلص ولاخان العهد من طيب ذاته =كل يوم ايقول تجديد العهد حق ٍعليــه
كان ابه عاشق تأثرت وتفاخرت بصفاتـــــــــــه =قيس منهو قيس وينه قيس وين العامريه
ماصفى وقت الهوا لاهل الهواوده وهاتــــــــه =قالو العشاق سنه واكثره ذنب وخطيــــه
اشهدو بالله مايرخص على الدنيا حياتـــــــــه =كود رجال ابدوي مثلي عشق بنت ابدويه
°ˆ~*¤®§(*§ وصف §*)§®¤*~ˆ°
كل يوم أشوف ويصير في صدري كلام=أحفظه واقول بكره وأخليه بعده
خايف من زلة الرجل خطوه للأمام=زلة من باب عفوا تصير منكده
عز نفسي كنز غالي ماأبيعه لو يسام=استفز اللي يسومه وأهينه وأضهده
ياهنوف تنقتش الكف وتدق الوشام=فوق خد مثل برق سرىقدم رعده
بارق يشرق ويبرق تحت جنح الظلام=النجوم تخالطه والظلام يبدده
يستدل اللى سرى به يمن والبرق شام=البعيد يقربه والقريب يبعده
فيك وصف منه يا ام الخلاخل والزمام=وانتي اللي وصفك المستحيل احدده
اختصر من وصفك اربعطش وصف تمام=كل وصف يحفظه خافقي ويردده
وصفك الأول يزودك هيبه واحترام=والحيا والستر راعيه يدرك مقصده
وصفك الثاني يحد الكريم ابن الكرام=لين ينفق كل حاله ويبسط لك يده
وصفك الثالث لو أنه دخل وسط العظام=يركض الرجال ويطيح ويضيع جهده
وصفك الرابع مايعطي لاشرع ولانظام=سيرته مسترسله من نشب ومعقده
ووصفك الخامس حلال وعلى غيرك حرام=ان تخيلت أجده وان توقعت أفقده
ووصفك السادس من أسمك يجدد كل عام=مثل عهد الوافي اللي ولاه يجدده
ووصفك السابع يكف العيون عن المنام=من طراله ماطرالي سرى من مرقده
ووصفك الثامن ليا غردت ورق الحمام=أعرفه وأقربه وإن تضايقت أجحده
ووصفك التاسع مابين الهبايب والغمام=الغمام يثبته والهبايب تطرده
ووصفك العاشر يخضبك بعروق البشام=والظلام ينقصه والشعاع يزوده
ووصفك الحادي عشر ماقبل برد السلام=وان كتبته في ثلاث حروف مشدده
ووصفك الثاني عشر لاشراب ولاطعام=يبرد الهاجس وحر الظمتا ما يبرده
ووصفك الثالث عشر يستمد من الحسام=أخذ سله فقط وهكذا موكده
ووصفك الرابع عشرفي البدايه iوالختام=يسعد اللي غير شوفك ماشي يسعده
اختصرت وصوفك اللي تشد أهل الغرام=بالتسلسل كلها مفقده ومنقده
مجتهد والمجتهد لو يقصر ما يلام=اعترف بالحق مثل العوارف وأشهده
ولايهونون النشاما رفيعيتن المقام=الرجال اللي تعز البخت وتسنده
°ˆ~*¤®§(*§ وش حياتي §*)§®¤*~ˆ°
يامرحبـا ترحيبـة تاصلـك فـي وادي جهـام=عبر المجلـة راح مرسولـك وجـاك وجابهـا
ياشاعر غصت البحور الهوج وأدركت المـرام=جبت البيـوت اللـي مشاعرهـا تثيرأعصابهـا
بيـوت شعـر فـي بدايتهـا تحيـة وأحتـرام=لولا معانيهـا وراعيهـا ماكـان أشقـى بهـا
لكن ابن عمي رفيقي وش حياتـي لـه يضـام=وانا سلايل من يحـل مـن الأمـور أصعابهـا
وان ماوقفت بصف ربعي في المواقف والزحام=تحـرم علـي الشاذليـه مـنـك ياصبابـهـا
وشقر العصاء سو البلا راس البـلا والأنقسـام=ولا رضيت بشقرهـا واللـي شقرهـا عابهـا
والله سريـع بالفـرج والله شـديـد الإنتـقـام=والله يعلـم بالسـرايـر والقـلـوب ومابـهـا
ياشاعر شلت الحشيف وشلت مع دربـه نعـام=ماباقيـا غـيـر طــراه تشيلـهـا بترابـهـا
قلبـي وقلبـك قالـوا اللـي مايحبـون الأثـام=ترى الظلايم ياعوض في حظ من يسعـى بهـا
واللي يخوض المعركة ويفوز ياخذ لـه وسـام=واللي يخوض المعركة وإيموت مايصحى بهـا
عسى شهيـد المعركـة منـا ومنكـم للرحـام=وديونـنـا وديونـكـم مضحـيـة لطلابـهـا
احفـظ سـدودك والاشـده ماتشابـه للمسـام=والله يخلـي للحـى بعـض اللحـى واشنابهـا
من ضير الناقه على حاشي مهوب الهـا تـرام=لابـد يــوم يحتلبـهـا ينكـفـي محلابـهـا
هاذي تراها ياعـوض نبـذه وخطـوة للامـام=نبذه وخطوه وأهـل مكـه يعرفـون أشعابهـا
واليا نقلـت البندقيـه مـن تبـا تذبـح شمـام=لاخير فـي قـوم تحـارب بالسـلاح أقرابهـا
شاور وخذ شور الرجال أهل العقل وأهل المعام=مجربيـن وعارفيـن السالـفـة وأصحابـهـا
بنت الهوا خطابها العشرة مـن الخطبـة هيـام=الله بـلاهـا وإبتـلاهـا والشـقـي يبلابـهـا
والبنت مجنونة تحط الخرص مع جنب الزمـام=ومـن الجنـون الله يعافينـا تـشـق ثيابـهـا
كبر الجبل في زولها في وزنهـا ميـة جـرام=ماينعرف دلالهـا فـي السـوق مـن جلابهـا
وأستغفـر الله ماعليهـا لا صـلاة ولا صيـام=واللي مراقبهـا وقاضبهـا تـراه أولـى بهـا
تم الكلام وطال عمـرك ياعـوض والعـز دام=والخير والشـر إقرنـا والنـار مـن شبابهـا
°ˆ~*¤®§(*§ قصة الفرحه §*)§®¤*~ˆ°
ماتت الفرحه بعد عاشت وحيده=والسبب في موتها من والديها
أمها في معاملتها الها عنيده=كنها واتستغفر الله تبتليها
قالت ان البنت ما ماتت شهيده=موتها مفروض من بدري يجيها
قال ابوها ليه يالنفس الزهيده=تزهدين وتزرعين الكره فيها
قالت اول شيء ماني مستفيده=من حياة البنت واكرهها مابيها
ثم ثاني شي أبا اقوله واعيده=كل مافيها تراه ايعود اليها
قال اليها يامدبرة المكيده=كن نسيتيها ترى الله ما نسيها
قالت ارحمني عذابي لا تزيده=الخطايا قاضبتني في يديها
هو صحيح اخطيت واخطايه عديده=مير سامحني وساعدني عليها
قال ربك رحمته تاسع عبيده=راقبيه ورحمته منه اطلبيها
والا انا رحال لديار بعيده=الك كل الدار بعدي واسكنيها
قالت أببدى معك صفحة جديده=قال شبي نار فيها واحرقيها
مابقا ما تستطيعيه وأريده=فكرة الاعذار من مخك شليها
كان ودك تسمعين أخر قصيده=بطلي كثر التأسف واسمعيها
والقصيده بيت والماضي يعيده=أحفظيه وكلمة اندم ردديها
لا تقولي فالحياه انك سعيده=من يبيع الناس بعصا يشتريها
°ˆ~*¤®§(*§ رياح الخوف §*)§®¤*~ˆ°
ذريتي ماذريتي وش ذريتي يا رياح الخوف=تدفين العواصف والقواصف في طوارفها
وأنا أحس العواصف والقواصف في صميم الجوف=ولكن أتصبر وأتجاهلها وأنا أعرفها
وأقول أصبر عليها اليوم والليله وصبح أشوف=ويوم الغد جزر ومد والافكار يصرفها
وأنا العاشق وأنا المغرم وأنا الضامي وأنا الملهوف=وأقول العفو يامجر الرياح ويامصرفها
الي قصة غرام في حشاي إليها نقط وحروف=ولابه شي يمحاها..ولاشي يحرفها
كتبها من كتبها وأن محاها ما عمل معروف=أنا أحب الحروف اللي تشرفني وأشرفها
أبيها وسط قلبي سر ما أبغاها على المكشوف=ولا أبغي عاتي التيار يخطفها ويجرفها
رسالة حب ما تكتب وترسل في ورق وزروف=ورا حدب الضلوع اقرأ معانيها وأزرفها
ولا يسمع بها الجاهل ولايمشي به الملقوف=ولا علم بها اللي كلمة أعرفها..مطرفها
الى منه هرج جاب السوالف طوف يتبع طوف=من أدناها الى أقصاها يخلطها ويغرفها
« آخـــر الـــمـــشـــاركــــات »
24-Apr-2008, 12:49 AM
قصائد غزليه لشاعر الكبير حبيب العازمي
العرض العادي
