علي فلاح العضياني
الردار اللي على كلّ الجهات يوجّه=صاد له جاسوس طيّاره سرائيليّه
من جهة لبنان والديره عليها عجّه=اخترق أجوا السعوديّه مع العصريّه
بندر المرشدي
عرضه صاروخ خله يحرقه فاللجه=لاتساهل في قاضيا الأمن والسرية
صايراً عندك تسيب فالجنود وسجة=مار حنا من هذولا دارنا محمية
علي فلاح العضياني
لو صاروخي يصيبه راح مثل الدجّه=مار انا خايف يردّ بقنبله ذرّيه
اليهودي معه يا بندر علينا حجّه=حجةٍ يا صاحبي مكتوبه و مقريّه
بندر المرشدي
ما معه من قوة الاعتّاد غير الدجة=لو يطهبل في قنوات الفضاء عادية
انت وش تبغا بكثر المعمعة والضجّة=حجته لو جابها ياصاحبي ملوية
علي فلاح العضياني
العرب على اليهود من الحدث ... محتجه=وقالوا تكثّف بعد قوّاتها الجوّيّه
والله انّا ما نبا اللجّه و كثر الصّجّه=مار اظنّك ماش عندك حلّ في هذيّه
بندر المرشدي
لو توريه العيون الحمّر بطنه هجه=ليش عاد الجو والا قوةٍ برية
خل عزمك عزم ذيب وكل دربٍ فجه=ما عليك من اليدين اللي تحت مخفية
« آخـــر الـــمـــشـــاركــــات »
31-Mar-2008, 04:37 PM
العرض المتطور
