الفالح اقلط جاااااااااااي

[المعتصم بالله]

معجب

مروووورك شرف طال عمرك


احترااااامي

[علي فلاح العضياني]

المعتصم بالله آسف على التاخير


واستلم

المثل يقول ما شال الحمول الاّ الجمالي=وانت ما أظنّك جمل والحمله الليله ثقيله
بين ابن غانم ذياب و بين ابو زيد الهلالي=جابك الله وانت يا رجال ما في يدك حيله

التوقيع

(( رأس الحكمه مخافة الله ))

[قادح شرار]

المعتصم بالله : صح لسانك , أنت شاعر مبدع , ولكن تغيب عنا .


الفالح علي : صح لسانك ياعلي , والمعذرة ما شفت إنك تلعب هنيا ولا كان ما طلبتك . ظنيت إنكم غلقتوا .

[المعتصم بالله]

ولا يهمك يا طويل العمر

المثل يقول من حاول اكيد انه ينالي=لكن الليله اظنك ما تحقق مستحيله
يا علي ترى دوام الحال يضرب بالمحالي=مير هد وخفظ السرعه ترى قدمك مسيله

[علي فلاح العضياني]

ما يبيع و يشري الاّ رجل عنده راس مالي=العلوم تبين والماء ما تغطّيه النثيله
شدّ حيلك واحتزم ما عاد فالدعوى جدالي=لا تعوّد ما نصفت الدرب والطرقه طويــــــله

[المعتصم بالله]

احمدالله ادخل الاسواق واشري وبحلالي=ما دخلته ياعلي ياكود ببضاعه جزيله
لا توصي ياعلي من معه قوة احتمالي=امشي الطرقه وانا ياخوك دايم لك دليله

[علي فلاح العضياني]

سوقكم دايم رخيص وسوقنا حامي و غالي=ما يطبّه كل رجّالٍ محاريفه قليله
يوم انا اوصيك اعدّك صدق واحد من عيالي=ودّي انّك بالمعزّه تعتلي سرج الاصيله

[المعتصم بالله]

سوقنا غالي وسوقك فيه نصبٍ واحتيالي=ياجماعه علي انا الليله ابا اطلع حفيله
من عيالك!! ياعلي يا كبرها يا هملالي=لا يغرك شطري الرابع ترى ممكن ازيله

[علي فلاح العضياني]

يشهدون الناس فيما قلت الاقصى والموالي=تغلب اليمنى الكريمه مدّة اليمنى البخيله
القمر فبدايته يا صاحبي يطلع هلالي=الله انّه لا يشيلك خلّ شطرك لا تشيله

[علي فلاح العضياني]

اخوي المعتصم بالله


تشرفت باللعب معك والسلام ختام وبيض الله وجهك واسمح لي فالقصور