**بـايـعـيـن الـذمـّه**

[فهيد مقعد الرويس]

المشاركة الأصلية كتبت بواسطة غـيمار

الله انه لايكثّر بايعين الذمه=او بفضل اللي خلقهم كلهم يمحاهم
سببوا للشعر عاهه بيّنه ومطمه=واختلف في قيمته من بيعهم وشراهم
انزلوبه للطمانه من مقام القمه=‏واستباحوا هيبته ماعاد فيه مفاهم
شوهوه وعزروبه واهدروله دمه=وافتحو باب لعداه وكل يوم يداهم
كل خلق الله تعادى تزدحم في كمه=عجهم رابط وكلٍ في سهمه مساهم
فالقناه وفالمجلة والصحف ملتمه=بين سودان الوجيه وبين من يرعاهم
شلةٍ فيها النفاق مطرطخٍ بالعمه=وش تبى ترجون منهم منهذا مبداهم
عن جزيل القول صدوا مااهتدوا باليمه=والهزيل يقدمونه والردى فالحاهم
كل مايبدي شويعر ثايرٍ من همه=بالصياح وبالنياحي جوه ولا جاهم
صفقوله واضحكوله ثم بدو في زمه=كنهم جابوا رويس غليص بين ايدهم

غيمار

صح السانك وسلم فكرك

الجزاله والسبك والحبك

جوهره من غلى مثمونها ترفع

تحيتي وتقديري