اخوي ابو مرحبا
استسمحك عذرآ في نقل بعض الابيات الخالده في ذاكرة الشعر لشاعرنا البراق مشعان
فعندما يفتخر بشعره نجده يبدع الى مالا حدود
اسهر وانا والطـواري تحـت جنـح الظـلام =معهـا .. وعـزي لنـفـس ٍ بــاح مكنونـهـا
تـربـعـت لـيــن بـنّــت فالضـمـايـر خـيــام =وهالـحـيـن مـابـيـن دايـنـهــا ومـديـونـهـا
حتى الشرايد لهـا فاقصـى الضلـوع ادحّـام=خلتـنـي اســج معـهـا واطـــرق لحـونـهـا
ابيـع فـي سوقهـا واشـري ولـي كـم عـام=وادور السـلـعـه الـلــي فــــارق ٍ لـونـهــا
وإذا ابحر في عالم الغزل ابدع وامتع .
ايـوالله اشتـقـت لــك شــوق الـبـدو للربـيـع = الـلـي تـخـيـل الـمــزون وبـرقـهـا تـسـبـره
مـن غـبـت وأنــا جـروحـي كلبـوهـا جمـيـع =حـيّـت .. وسبـحـان محيّيـهـا مــن المقـبـره
حملنـي غيابـك اللـي راح .. مـالا استطـيـع=واللي بقالي من اللي جاي .. كيف اصبره !
تكفى لاتبطي .. تـرى جـرح المحبـه شنيـع = لا اصيـر مثـل العقيـد / إن خـان بـه معبـره
خليتـنـي مـثـل شـالـح بـعـد اخــوه الـفـديـع=نـهــار جـــاء لـلاصـايـل فـالـطـراد اغـبــره
الوجـد ضيّـق بـي الكـون الرحيـب الوسـيـع =في عيني اضيّق من الابره .. وهو ما أكبره
وحتى في عتبه مغاير
ماقلت لك يوم انك اخطيت .. غلطان ! = مسامحـك / حتـى مـابـي لــك معـاذيـر
انت اتعرف ويش انت في قلب مشعان = وتقصيـرك بحقـي مـا اسميـه تقصـيـر
لكنّـي اعاتـبـك .. يــوم انــك انـسـان = انسان غير .. وفي عيوني بعـد غيـر
حاولت ابرّر ماحصل لي .. والـى الآن = عجـزت لا احصّـل لـمـا صــار تبـريـر
اشوف واغض النظـر بعـض الاحيـان=لـو ان دلـو الـذنـب فــي جـمـة البـيـر
مـاذعـذع الغـربـي علـشـان الاغـصـان= ولاسـرّت دمـوع الوفـاء سـالـم الـزيـر
لــكّــن تـبـقــى للتـعـابـيـر الالـــــوان=الـلـي تعوضـنـي هـاذيــك المخـاسـيـر
الفـرق ! مابـيـن الحبـايـب والاخــوان= مدري! .. ولكن شـي مـا أظنـه يصيـر
ولاكن الى متى لا تنصف الساحه مشعان البراق ؟؟؟؟؟
اخوي مشعان هل انصفتك الساحة الشعريه ؟؟
وهل انت راضي عنها ؟
من من المجلات الشعريه تستهويك ؟ وما ذا قدمت لك الصحافة الشعريه ؟
ما رأيك في كثرة القنوات المهتمه بالشعر ؟
الا تعتقد ان وجودك في منتدى قبيلتك ضروري ؟ ولماذا لا تتواجد ؟
شكرآ ابو مرحبا شكرآ البراق
آخر تعديل نازح البيد يوم 25-Mar-2008 في 06:43 PM.
« آخـــر الـــمـــشـــاركــــات »
25-Mar-2008, 06:40 PM
العرض الشجري