قصيدة للشاعر / محمد غازي النفيعي في زواج فواز بن فلاح النخيش

[طارق النفيعي]

بسم الله الرحمن الرحيم

عدنا من جديد هذه القصيده بمناسبة زواج الاخ وابن العم/فواز فلاح حبينان النخيش
أتمنى أن تنال إعجابكم

على الله مبتداي بكل قـــــــــولي=وعليه نوجه التكــــــــــــلان كله
حسيب العبد في يومٍ يهـــــــولي=بيومٍ كل خلقه مســــــــــــــــتذله
بعدها حــــان بدعي مع حــلولي=أبنثر من هجوسي خير حـــــــله
بدايتها تراحيبٍ تجـــــــــــــــولي=على الحضار كلٍ في محـــــــــله
أخص بها هل الفعل البطـــــولي=وتذهب يم ابن زايد تــــــــــــدله
نقي المعرفه ذرب السبـــــــولي=ألا ياكثر نعمٍ في سجـــــــــــــــله
وأعمبها على من كان حـــــولي=تراحيبٍ تجيكم مســــــــــــــفهله
أرحب بالنيابة مع مثـــــــــــولي=وقفت ومـــــــــــــــاقفي ابستغله
تراحيبٍ يشدن الحمــــــــــــولي=تدك القلب ثمٍ تستحـــــــــــــــــله
بحفل أهل الوفا وأهل الفعــولي=رفيعين المقــــــــــــــام الله يجله
أبطرب فيه من غير الطبــــولي=عسى الأفراح لعيالك مظـــــــــله
تراني يافلاح أجمع فلـــــــــولي=أشيّل من ريـــــــــــــــاحينه وفله
تباريكٍ كما وبلٍ همـــــــــــــولي=سحــــــــابه فكري اللي مرتكٍٍ له
عساه سعيد والفرحه تطـــــولي=وعسى توفيق ربي مكســـــبٍ له
عسى ليلتك تسعد بالجفـــــــولي=غزالٍ كل حـــــــــــرٍ باغي ٍ له
وختام القول ياربعٍ تنــــــــــولي=صــــــــــــلاة الله عدد طلع الأهله
على خير البشر وأفضل رسولي=نبي ٍ هدي ربي غــــــــــايةٍ له

أخوكم : طارق النفيعي

التوقيع

أخوكم : طارق النفيعي

آخر تعديل طارق النفيعي يوم 02-Mar-2008 في 04:30 AM.

[عبدالرحمن الهيلوم]

لاهنت ياغالي

وقصيدة جزله من شاعر المستقبل فالك وفاله التوفيق

[النخيــــــش]

يعطيك العافيه

اخوي طارق وماقصرت وعافك الله

وصح لسان ابو غازي على القصيده

[طارق النفيعي]

شاكرين تواصلكم ..

[محب الهيلا]

صح لسان قيلها وناقلها

مشكور وماقصرت

[ابن البجاديه]

اخص بها هل الفعل البطولي وتذهب يم ابن زايد تدله

نقي المعرفه ذرب السبولي الا ياكثر نعم في سجله


والله وسبع انعام ببو فهد ومشكوور ياطارق على النقل

[طارق النفيعي]

ولاعليكم زود جميعا

ومشكورين على التواصل والرد