سبة ضياعي شامة فوق خده=لوشافها الكافر دخل فالشريعة

[سعد السميري]

السلام عليكم ورحمة الله وبركاته


هذه قصيدة للشاعر المعروف000


(نايف بن معلا بن مشعان المغيري العتيبي)

اتمنى ان تحوز على رضاكم----

عينـي تراعـي كـل نجـم وتعـده=وصار السفر عندي مـزاج وطبيعـة
القلـب هومـات المنـايـا تـشـده=وترسل عليها من السهـوم الهزيعـة
كنـي غريب(ن)بيـح الوقـت سـده=حملـه ثقيـل ولا قـدر يستطيـعـه
كله من اللي طـال هجـره وصـده=اللـي نوانـي بالجـفـا والقطيـعـة
صـد وتغلـى مااعتـرف بالـمـوده=واقفابـه عنـاده وزيَــن صنيـعـة
حتى غروره ضاهـي الحيـل هـده=وضاقت عليه من الغضون الوسيعـة
احـاول أقطـع كـل عرق(ن)يـوده=لـو كانـت الفرقـا وفـاة شنيـعـة
المشكلـة لا جيـت أبصيـر ضـده=واقول هذا الشخص لحـد(ن) يطيعـه
سلهـم بهـاك العيـن وأشَـر بيَـدَه=كنـه يقـول اللـي هويتـه تبيـعـه
وضاعت علومي وأرتخت كـل شـده=وضعت ونسيت العزم وأصبحت أطيعه
وسبة ضياعـي شامـة فـوق خـده=لو شافهـا الكافـر دخـل فالشريعـة
وختامها صبري وقـف عنـد حـده=واقـول حبَـه دائـمـا فالطليـعـة

تقبلو تحياتي

[محب الهيلا]

صح لسانه

مشكور وماقصرت على النقل الموفق

[سعد السميري]

محب الهيلا


صح بدنك لاااا هنت على المرور يالغالي



وشكرا لك على المتبااعه والتوااصل

[عبدالله الجـــذع]

صح لسان ابومعلا..

والله شاعر مخضرم وخلوق ومتواضع جدا ..

الله يوفقه..

مشكور يالغالي ع النقله..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سعد السميري]

عبدالله الجذع



صح بدنك

ولا هنت ع المرور الذي اسعدني حقيقة


تحياتي

[معلا إبراهيم الأسعدي]

بارك الله فيك ياسعد على نقل


هذه القصيده الجميله

التوقيع

[طارق النفيعي]

الله الله

صح لسانه

وقصيدة رائعه

التوقيع

أخوكم : طارق النفيعي

[عتيبي وافتخربربعي511]

صح لسان ابومعلا..

والله شاعر مخضرم وخلوق ومتواضع جدا ..

الله يوفقه..

مشكور يالغالي ع النقله..