محاوره بين (عبدالله بن شايق القحطاني)و(رشيد الزلامي)

[فارس قحطان]

السلام عليكم ورحمة الله وبركاته

هذا انا جايب لكم محاوره بين
الشاعر
الكبير
عبدالله ابن شايق

والشاعر الكبير

رشيد الزلامي

يبدا
ابن شايق
ياماعازيب الوفاء ونتم دعتونا وجينا ### قبل مردود البريا زين مردود السلامي
الزلامي شاعر(ن) شايب وله حق(ن) علينا ### والحقيقه كل خلق الله يحبون الزلامي


رشيد الزلامي

مرحبا والله يحيكم وحنا حاظرينا ### ونتبه للكلمه الي لاحلال ولاحرامي
اثر في قلبك محبه من زمان ولادرينا ### شوفلك واحد سنينك يتجهبك شرق شامي

ابن شايق
الرجال الطيبيني يقدرون الطيبينا ### خلنا نلعب ونكسب خبرتك خمسين عامي
لاتناظر فوق وتعد الليالي والسنينا ### الحرامي يحسب كل من قابله مثله حرامي

الزلامي
شد حيلك ودحم الشعار المتينا ### والهدف في راس ظلع(ن)مايصيبه كل رامي
والله انا مالقينا صورتك في حرب سينا ### مير هذا الوقت جبت البندقيه والحزامي

ابن شايق
عيت الشاره تطيخ اليا رميتوها رمينا ### الطمع بيني وبينك فالردوف وفالسنامي
ونت لك صوره على شاطي بحر هادي ومينا ### لاتلحقنا الملامو ولانلحقك الملامي

الزلامي
ودنا يسرون ظيفان الكرامه مكرمينا ### ون بغيت اكوي كويت ابليس فالنار حامي
عقب ذاك الوقت اظنا لانبيك ولاتبنا ### رحت مرواح الغراب الي تقفاه العسامي

ابن شايق
ان رضيتوا مازعلنا ون زعلتو مارضينا ### لاتخلينا نشيل الروس ونقص العظامي
فيك ثنتينن سوا والثالثه وحده وفينا ###نحمد الله ظحكت الدنيا لنا والحظ قامي

الزلامي
ياعيال العود مادون الحلوق الا اليدينا ### مير حنا يوم شفنا العود في خشمه عرامي
من قرارت نجد سقناكم وجيتو مقبلينا ### مادرا جنب الحصاه الا تردون السلامي

ابن شايق
لونعد الفعل الاول كم خذيتوا وكم خذينا ### ياحليمه جوس خلان الشده والمسامي
يوم حولنا عليكم من ومن يمينا ### رحتو من نجد العزيه يالحجازي والتهامي

الزلامي
شفت ذريت حليمه يوم جوكم سارحينا ### ان حييت بغبنها ون مت مانته لارحامي
ان فعلتو شي في ذاك الزمان مسامحينا ### انتبه هذا كلام المعركه ماهو كلامي

ابن شايق
دورو لشيخوكم وليا نسيتو مانسينا ### انته مانه حامين بيض الحباري والنعامي
ان خجلتو وستحيتوا ماخجلنا وستحينا ### اسمحو لي باتكلم ياعزيزيب المقامي

الزلامي
الصحيح انا ناسيينا من حنا فاقدينا ### تاخذ الراعي وناخذ فيه حامين الجهامي
ياله اغفر ذنبنا ان كان حنا مسرفينا ### والخطيه يوم عرظنا القحاطين المظامي

ابن شايق
كان شيخك راعين عندك شيوخك ظايعينا ### انته صاحب السبع وحيان ياخذك المنامي
اشتكيتوا لاشريف ويعلم الله ماشكينا ### ون ظمينا يالزلامي كان وردنا الحيامي

الزلامي
ياولد شايق ترى الله سامحك دنيا ودينا ### ثايرن دمك من الماظي ومثلك مايلامي


هذا هي المحاوره
ون شاء الله تنال على اعجابكم



تحياتي

[فرهودي]

فارس قحطان ..
محاورة ولا أروع .. كيف لا.. وفيها الزلامي وابن شايق.
شكراً على النقل الطيب..

وننتظر منك الكثير..


فرهودي

[ابن مشيب]

لاهنت يافارس قحطان على هذة المشاركة , لشاعرين العملاقين الزلامي وابن شايق.....


وهذة المحاورة تدل على ان لكل قبيلة افعال تفتخر بها , وكل قبيلة فيها حقها.........


وتحياتي لك......

[عتيبي عفيف]

فارس قحطان

محاوره جميله ورائعه

مشكووووووووووور

تحياتي لك عتيبي عفيف

[فارس قحطان]

مشكورين
على مروركم
وهم شئ اعجبتكم

وابن مشيب

كل قبيله لها فخرها


تحياتي

[أبو هلال]

فارس قحطان
مشكور علي نقل هالمحاورة الرائعة لشاعرين رائعين .

واللي راح راح

[ابن عاصم]

الاخوه

الكراام


تم حذف جميع المشاركات التي لم تمت للموضوع بصله


والتي هبطت عن مستوى الحوار المرجو منكم



لذلك نرجو منكم الالتزام بقوانين المنتدي




ابن عــــاصم

[ابــــن فهـيد]

لا هنت فارس قحطان ولو عندك صوتيه عطناها بيض الله وجهك والى الامام