هذي قصيدة مشهوره ومعروفه اللي قايلها نفر من الجن في المجمعه وقد سمعت في شعيب المشقر ورواها الكثير
ياقارع الدمام سـم واقرعـه = واعطيك عذقين ليالي الصرام
سقوى سقى الله وادي المجمعة = من رايح يوضى بجنح الظلام
الزرع مايسقم لمـن ضيعـه = والطرش مايسني بليـا طعـام
ياذالحمام اللـي لكـن لعلعـة = فوق الجرايد والخلايـق نيـام
بالله عليك..الصوت لا ترفعـه = تقعد غريـر سابـح بالمنـام
توه صغير..الديد مايرضعـه = مستنكر عقب الرضاع الفطام
الى سرى فاسري على مربعه = ثم ارجعي من بعدهـا للمنـام
الموت جاني ماقويت امنعـه = موز بحالي وا هنـي الفـدام
خلخال سيدي ان مشى يقرعه = قرع الجرس للي تقود الجهام
الصاحب اللي عشرته مسمعه = عليه مني كـل يـوم سـلام
والصاحب اللي كز لي مردعه = عليه مني كـل يـوم سـلام
شوفي بعيني مخطره يذرعـه = يسري تويلي الليل يم الهـدام
وصح اللسان الجني اللي قالها لأنها قصيدة رائعه
( الدمام يعني الطبل )
آخر تعديل سعد - 511 يوم 14-Feb-2008 في 03:31 PM.
« آخـــر الـــمـــشـــاركــــات »
14-Feb-2008, 03:27 PM
العرض المتطور
