ياعتيبي وش قدمت لعتيبة؟

[مناحي الخامس عشر]

يالربع ابدخل ف الموضوع دغري
شي دايم يجي على بالي
من يوم وعيت على هالدنيا وانا افتخر بعتيبة
طيب متى يجي اليوم وعتيبة تفتخر بي؟

يعني اجدادنا في زمنهم تعبو وكافحو لين بنو لنا اسم وعز وكانو فخر لقبيلتهم
اليوم الوضع اختلف عشان تصير فخر لقبيلتك ماعاد هو زي اول
يعني شجاعة اليوم مهيب مثل امس

والي يقهر والله وخلونا نصير صريحين بعض الناس الي قبيلتهم منهم براء
يعني افعالهم تسود الوجة وتجيك جلطة لاشفتهم رازين اسم عتيبة


الحمدلله انهم قلة وعتيبة اعرق واكبر من انها تتاثر وتهتز سمعتها بسببهم

بصراحة مرة ثانية التربية لها دور بعض الناس الله يهديهم يربون ولدهم من يوم هو صغير على التعصب وانة يفتخر بقبيلتة بطريقة غلط
كنهم يقولون له رح دج وفلها انت مايعيبك شي انت ولد قبيلة عريقة وماتحتاج شي
ولايهمهم تعليمه وتثقيفة مادرو ان
العلم يرفع بيوتا لا عماد لها والجهل يهدم بيوت العز والشرف
الحين طرش البحر رفعو بيوتهم بالعلم واستولو على خير بلد ماهوب بلدهم
والقبايل مشغولة بمن هو اطيب ومن هو قد غلب
للاسف بعض الناس يكمل النقص الي فية بالتغني على الاطلال
الواحد المفروض يفتخر بماقدمة هو لا من قبلة
وهذا لايعني انه مايحق لة ذكر مفاخر قبيلتة لكن في حدود بدون مايطغى جانب على جانب


المهم ياجماعة الربع كلن يسال نفسة عتيبة عطتك الكثير طيب انت وش عطيتها ؟

ياليت كل واحد ينتهي اسمة بعتيبي يصير قد هالاسم ويمثلة خير تمثيلة؟

يارب تقدرنا جميعا ونرفع الاسلام فوق ونعز وطنا وقبيلتنا
تراني مرتفع ضغطي ومقهور من شي توني شفتة الله يهدينا جميعا
وسلامتكم