رسالتي الى سعود مناور العتيبي

[جمال النفيعي]

كفو والله يا شبل على طرح الموضوع


وتستاهل كل خير


عسى الله يفرج كربه

آخر تعديل جمال النفيعي يوم 10-Jan-2008 في 12:58 AM.

[محمد العتيبي]

شبل مرجحين الموازين
رساله كريمه من شخص كريم لرجل كريم ..
نتمنى من كل قلب ان تصل رسالتك
لشاعرنا سعود ..
..

التوقيع

للتواصل عبر twitter تويتر al_bargawy@

[ابو عطا]

المشاركة الأصلية كتبت بواسطة اااااالدغيلبي

تبغونه قدام العالم يطلب ولد عمه العتيبي يتنازل عن لد عمه العتيبي والله ماصارت ... العام كانت بين الشمري والشراري .. سبحان الله وش بيقولون ما عند العتبان حمية حنا بنساعد على قدر استطاعتنا بس انتم لا تكبرون فيها والله انه تجيني رسائل على البريد من زملائي من القبايل الثانية وش قصة عجب ومنهم الي يطلبونه بالحق يحسبونه من قبيلة ثانية ما درو انه ولد عمه .. هذا رايي يمثلني انا وليس للمنتدى علاقة فيه ... والله سبحانه يفرج على عجب ويغفر له ... شكرا

كلامك صحيح وحنا نحل مشاكلنا بانفسنا

ولاتدخلوون احد .

[المورقي 700]

ياجماعة فتحوا زين مانبغى سعود يذكر اي شي عن عجب بكرة الناس يقولون هاذا جاي يشحد الديه خلوها بينا حنا نكفي ونوفي

[أفك النشب]

بسم الله الرحمن الرحيم

السلام عليكم ورحمة الله وبركاته

يالي ودك ان الشاعر سعود يتطرق عن موضوع عجب

سعود مناور يعد لموضوع اهم له

يود أن يتطرق له في هذا المحفل والمنبر الكبير

له قضيه اكبر وهي تخص ابن عمه الواقف

وسوف تعلمون عنها اما في هذا الدور او الادوار القادمه بأذن الله

فأرجو منكم عدم مضايقته بهذه الكتابه ودعمه حتى يصل ويتطرق لقضيته

انا اعرف سعود مناور عن قرب واعرف قضيته الي يود ان يتطرق له

فأرجو منكم دعمه والوقف بجانبه

وشكراً

[أفك النشب]

على فكره سعود مناور عصيمي

[راعي مزبورة]

السلام عليكم ورحة الله وبركاته

مبروك التأهل لأخونا الشاعر خالد وبالتوفيق لجميع شعار عتيبة

بالنسبة للشاعر سعود بن مناور يرجع للجعادين من العصمة من عتيبة الهيلا والله يوفقه

[عيد العازمي]

اللهم فرج كربة اخونا عجب اللهم امين اللهم امين

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالعزيز البرقاوي]

الانا ايضا اتمنى من الشاعر سعود مناور العتيبي ان لاينسى ولد عمه عجب في الحلقة قادمة من برنامج شاعر المليون والكم تحياتي يالهيلا

آخر تعديل عبدالعزيز البرقاوي يوم 13-Jan-2008 في 06:07 PM.

[عبدالعزيز البرقاوي]

المشاركة الأصلية كتبت بواسطة البحتري

ياجماعه سعود مناور وش هو من عتيبه .....................

ياخي سعود مناور عصيمي من الجعادين وساكن في الاحساء المنطقة الشرقية