زيد الذيابي يمدح الشيخ مذكر بن نوار الذيابي

[تاج العز]

بسم الله الرحمن الرحيم
السلام عليكم ورحمة الله وبركاته

هذه قصيده للشاعر : زيد الذيابي أرسلها للشيخ : مذكر بن نوار الذيابي
شيخ هجرة الذيابيه بالبجاديه ,,,,,

بيت الفخر ياللي من البعد عانين = عانوه شامخ في جنوب البجاده
بيت مشيد مثل بيت السلاطين = اللي لهم على الجزيره سياده
مشيد سوره مثل سور بكين = في وسط نجد اللي يذعذع براده
ينصونه اللي جو من البعد لافين = ويلقون كيفٍ مسفر الوجه قاده
وزين القبول ووجب الضيف ثنتين = وترحيب بالضيفان محصي عداده
وينصاه من حده زمانه على الشين = لياء قسى وقته وعود نكاده
مشيده شيخً عسى يومه سنين = عسى حياته طول عمره سعاده
شيخ طلع ذكره للأقصين والأدنين = عنَاءعلى كسب المراجل جواده
الأرض يزرعها بطيبه بساتين = يزرع وزرعه طاب وأثمر حصاده
ماهمته دنياه فالعسر واللين = والمال من يمناه عجلً نفاده
مذكر على العلياء بدى فالطويلين = وثبت على القمه ركايز شداده
بالطيب كفه تازن الصاع صاعين = ومن كف مذكر قابله للزياده
من غير قاصر في رجالً كثيرين = والطيب فأهل الطيب سنه وعاده
قلته وأنا فاهم بكل القوانين = وزندي مع أهل العرف يقدح زناده
وأما مدحت الشيخ في فعله الزين = ولاترى شعري يعود نقاده
المدح في شرواه يسواء ملايين = وفي مثل أبو سالم وسام وشهاده
مدام فعله باين له براهين = يزين في نظم البيوت بركاده
تكفين ياعذب الطواريق تكفين = في مدح أبو سالم توصي زياده
لو كان ماحنا بالأشعار محصين = فعلاً مع أهل الطيب غالٍ مزاده
أخذت من كل الفعول العناوين = وضحتها للي يبي الأستفاده
الشعر ديوان الرجال الوفيين = وكلا بمعرفته يبين إجتهاده
ياشيخ ماسويتها فيك باغين = من غير قصد الشعر نبدع جداده
أنته بفعلك ترفع الراس مترين = وأنا على القاف أطوع عناده
وصلاة ربي عد جمع المصلين = على نبيً حثنا للعباده
محمد اللي لأمته وضح الدين = واللي تبع دينه تحقق مراده

آخر تعديل تاج العز يوم 29-Dec-2007 في 07:38 PM.

[عبدالرحمن الهيلوم]

والنعم في المادح والممدوح والناقل

[تاج العز]

أخي الهيلوم


والنعم فيك ولاعليك زود


ومرورك أسعدني


دمت بود

[محب الهيلا]

مشكور وماقصرت على طرح القصيدة

[تاج العز]

العفو اخوي محب الهيلاء