ويل الزمن يابنت

[بدر ناصر المورقي]

ويل الزمن يابنت العفون ويله = ان كان علا شان نفاخة الكير
يابنت ماني من جموعٍ ذليله = صغيرنا للرفعه اسرع من الطير
وكبيرنا فوق النوايف مقيله= وشبابنا بالحرب ضرب الاعاصير
عتبان لا جا الضد يغلي غليله= نزوم زوماتٍ على الضد تدمير
نبع الشهامه تاج راس الفضيله= واهل الظفر في يوم صفق الشواطير
واهل القنا واهل السيوف الوبيله= واهل الرمك ستر العذارى الغنادير
واهل الوفا واهل الجذور النبيله= واهل الهمم نسل القروم المناعير
قوم بنينا امجاد فوق الطويله =قوم نرد الضيم منضام وصغير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله =حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجفل ان جتنا السيوف السليله =حتى ايش لو صكت علينا الطوابير
نبطش بهم بطش السنين المهيله= بطش الشغاميم الحرار المغاوير
هجاد فوق المسرجات الاصيله =وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله = لاقروم لا خيلٍ ولا سيف وبعير
عدونا يابنت منهد حيله= هدنه الحدب الحداد البواتير
ولا سادت ايام وليالي بخيله= نفيض جود ومانسوق المعاذير
نعطي السمان ومانمد الهزيله= نجزل عطانا مانحسب المخاسير
مثل كرم واحسان وبل المخيله= يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير
لكن عزاي بذكر علمٍ حصيله= حنا الزحازيح الحرار المناعير

[عبدالرحمن الهيلوم]

	صح السانك يالمورقي وبيض الله وجهك يالغالي

[محب الهيلا]

مشكور وماقصرت

[بدر ناصر المورقي]

الهليوم ومحب الهيلا صحت ابدانكم وحياكم الله ومشكورين على المرور
بدر المورقي

[صنداح الزلامي]

بدر ناصر المورقي
----------------


صح لسانك قصيدة طيبة تقبل

مروري يالغالي

[زيزوم مدركه]

بدر المورقي تنشر لك البضاء




على قصيدتك الرائعة

[محمد العتيبي]

بيض الله وجهك
قصيده وافيه من رجل وافي ..
لا يسعني الا ان اقول..

شكرا جزيلا لك...

التوقيع

للتواصل عبر twitter تويتر al_bargawy@

[السميــــــري]

صح لسانك يابدر ..
قصيدة وافية ..

والله يعطيك العافية ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[بدر ناصر المورقي]

صنداح الزلامي ,وزيزوم مدركه,ابو مشعاب,السمير
صحت ابدانكم والله لايهينكم وكل الشكر على الثناء الطيب والمرور الاطيب
بدر المورقي

[بدر ناصر المورقي]

...................