الى من يتذمر من المراقبين الرجاء الدخول !!!

[عبد الاله]

ابدا كلامكم جميعا مردود عليكم
مستعد اثبت ان المنتدى في جهة
واغلب المراقبين في جهة اخرى
خلونا من المجاملات التي ماتفيد
ماشفت ولا مراقب يقدر يشد الاعضاء
ولا شفت مراقب عنده اسلوب حكيم
في الرد على اي تهمة توجه هنا
والمنتدى ماشي بجهوود شخص واحد
او شخصين او ثلاثة على اقل تقدير
لكن الاعضاء هم المحرك الحقيقي
ولو وجدوا مراقبين في مستوى المسؤلية
ومستوى الاسم الذي يحمله هذا المنتدى
لتغير الحال واصبح منتدى في القمة
المنتدى محتاج بدون مجاملة الى تصحيح وضع
ويحتاج الى غربلة سريعة
في المراقيبن والمشرفين العامين
وحتى المستشارين والادارة بعد
الى الان لم يرتقي المنتدى الى الهدف الاسمى
وهو احتضان جميع بني عتيبة في الجزيرة
وبامكانه كذلك لو وجد مراقبين
يطورون ويحدثوووون
وليديهم افكار تدفع المنتدى الى الامام
وليس الى الخلف
انظروا مواضيع في غاية الاهمية
تجلس بالشهر بدوووووووووون رد
واذا ردوا ردوا((شكراا يالبناخي))
او(( نبي جديدك..جعلك تحيا))
او ((تكفا عود علانا))
وكنت اتمنى ان ارى ردود
تعكس مدى مايتمتع به المراقب
من ثقافة والمام فلا اجد ابدا
اين الردود والمناقشات
التي تعطي الموضوع حقه
او التي تعطي العضو حقه
وتحمل لنا فكرهذا المراقب
وتفرحنا اننا نتعامل مع مثقف
وليس مع شخص تنوب عنه
اصابعه في الكتابة فقط على الكيبورد
بينما عقله ورايه في اجازة
وهناك ايضا اقتراحات
تمر عليها الايام والشهور
ولا تجد من لديه القدرة ان يبت فيها
اليس هذا مخجل؟
ووو والكثير
دع عنك المجاملة اخي ذيباااان
وخلك من الكلام اللي يشد المنتدى للوراء
ترى المدح يقتل اخوي...هل تعلم بهذا؟؟
ترى المنتدى يهم بني عتبية
وليس انت وكم مراااااااقب
والله يعين العتيبي عليك
وعلى هالمراقبين اللي جالس تمدحهم
وعليك ان تدرك معنى رسالة المنتدى
وهي رسالة لن تتحقق الا بوجود
اناس اكفاء فعلا
علما ان اختيار المراقب
ياتي بناء على كثرة مشاركاته
من مواضيع منقوله
او ردوده ولو شكرا
تراني راعي منتدى اخي
واعرف الامور هذي
وابيك تكون واقعي
انت ومن سوف يرد الان
ترى ماذبح العرب
وخلاهم اسفل الامم
االا المجاملات اخي