أبي أوصي ربوعي

يقول شالح بن هدلان الخنفري القحطاني

ذيب عوى وأنا على صوته أجيب=ومن ونتي جضت ضواري سباعه

عز الله إني جاهل ماأعلم الغيب=والغيب يعلم به حفيظ الوداعة

يالله يا رزاق عكف المخاليب=يا محصي خلقه ببحره وقاعه

تفرج لمن صابه جروح ومعاطيب=وقلبه من اللوعات غادي رعاعه

إن ضاق صدري لذت فوق المصاليب=ما نيب من يشمت فعايل ذراعه

صار السبب مني على منقع الطيب=ونجمي طمن بالقاع عقب ارتفاعه

يا طول ماهجيتهن مع لواهيب=ولاني بداري كسرها من ضلاعه

وياطول مانوختها تصرخ النيب=وزن البيوت اللي كبار رباعه

أضوي عليهم كنهم لي معازيب=ليا رمى زين الوسايد قناعه

أضوي عليهم وأتخطى الاطانيب=واخذ مهاوية الجمل باندفاعه

((أبا أنذر اللي من ربوعي يبا الطيب=لا ياخذ ألا من بيوت الشجاعه

يجي ولدها مذرب كنه الذيب=عز لأبوه وكل ما قال طاعه

وبنت الردي ياتي ولدها كما الهيب=غبن لأبوه وفاشلة بالجماعه

يا كبر زوله عند بيت المعازيب=متحري متى يقدم متاعه))


مودتي

ابن عصيم الحلحلي