محاورة بين ملفي المورقي ونامي السلمي

[الذيب الاشقر]

بسم الله الرحمن الرحيم
هذه المحاورة جرت بين الشاعر الكبير ملفي المورقي والشاعر الشاب نامي رفيع السلمي
نامي:

اســــر ياليل والليلة تطيب العــلوم =من يقدم عـلومـــه ياخــذ بدالهـــــا
قوم يالمورقــي والقوم قدام قـــوم =ثم هات العــلوم ودور جزالــــهـــــا

ملفي:

لاسرا الليل تسري معه بعض النجوم =ان سرى الليل ماتبقى على حالهــا
فيه قوم دفاع وفيه قوم هجوم =مير الاشرار فال الله ولا فالهــا

نامي:

مايجنب عن الميقاف غير الرخوم =وما وقف للمهمه غير رجالهــا
والله إنا رجال ولا نكب السلوم =وانت تعرف سليم وتعرف افعالهــا

ملفي:

هقوتي صاحبي نامي يسد اللزوم =مير فيه الاوادم وش يورّالهــا
ياعرب ياعرب لا تخلقون امعدوم =نعرف الناس راحلها ونزالهــا

نامي:

شفت لي فالسما من عصر عج وغيوم=قلت اظنّه ولكن فرّق خيالهــا
شفت فالناس ناس وضافيتها الهدوم =ولاتزين العمامه غير بعقالهــا

ملفي:

إحمد الله ترى ماجاك برد وسموم =في ذرا شجرةٍ ظلتك بظلالهــا
انت ثوبك قصير ومسبل بالكموم =ذكرتني ثيابه هرجةٍ قالهــا

نامي:

لاتعم الخصوص ولاتخص العموم=من يضوي حموله غصب يشتالهــا
انت ودّك تحول ياقوي العزوم =ما تصفق يمينك غير بشمالهــا

ملفي:

انت مرتاح قلبك ماكلته الهموم =ما انت عارف حمول عقيل وجمالهــا
لا تعرض جنوبك واردات السهوم=تعرف المعركه ياصعب فنجالهــا

نامي:

ما يجيك المنام الليل مافيه نوم =والعرب مانت مستولي على مالهــا
مانذمك ولاني للنشاما ذموم =وان حضرت الفرس معروف خيالهــا

ملفي:

0000000000000000 =وانت مانته شريك الناس في اعمالهــا
ماانت ربي واصلي لجل وجهك واصوم =ليت عنا سليم ترد جهالهــا

نامي:

تعرف ان البنادم فالزمن ما يدوم=يا جماهير بعض الناس يبغالهــا
من حجر ناوي اعديك حد الجموم =لين تحسب مواقفنا وتصحالهــا

ملفي:

صح بعض العرب تحتاج فرك الخشوم =مثل نامي يبى الفزعه ويبرالهــا
شفت قوم تناقز فوق روس الرجوم =والحصا تجمعه في داخل احثالهــا

نامي:

لكن ارتاح نامي جاك وانت مخدوم =يابو وافي عتيبه لا تهيالهــا
شفت لي قوم مسكنها بجوف الحزوم =كيف تنصا سليم وتنطح جبالهــا

ملفي :

انت اشوفك من البارح تطيح وتقوم =لاتهوز العلا يا صعب ميصالهــا
عقب حالت سنه حملت وولدت بتوم =واشغلت ساير العربان بعيالهــا

نامي:

اشرب الهيل يابو زيد والثوم ثوم =خابرك من رجال فوق منزالهــا
البلا في عتيبه يوم كانت عقوم =وان نشدنا العرب يقلون يرثالهــا

وسلامتكم

آخر تعديل الذيب الاشقر يوم 11-Jun-2007 في 01:05 AM.

[ابوبجاد الرويس]

مشكور اخوي الذيب الاشقر

ولاهنت على نقل المحاوره

[محمد الزايدي]

الله يعطيك العافيه

[الذيب الاشقر]

شكرا لك اخوي الرويس على مرورك

[الذيب الاشقر]

اخي محمد الزايدي

شكرا على مرورك

[فايز العلوي]

صح السانك يا ابو وافي