فرسان عـنـزة تكسب جيش مطير

[تالي الأولين]

فرسان عنزه تكسب جيش مطير ( والفرسان هم من الصقور من العمارات من عنزه )

عندما ذهب العقيد / النبيقي الصقري ومعه مجموعه من فرسان الصقور من الشمال من البريت تحديدآ الى قرب منطقه القصيم يبحثون عن المكسب , وعارضهم قرب القصيم جيش من قبيلة مطير , فأخذوهم الصقور لانهم اقوى منهم
وطلبوا مطير المنع , واعطوهم الصقور المنع دون الركائب ,
وكان رجل من قبيلة مطير اسمه ( دهش بن عسم الصهيبي من مطير ) , دفع خيال من الصقور مع يده . بعد المنع فوقع وطاح من الفرس فـقـفـز دهش بن عسم على ظهرها وهرب بها . ولكن الفارس اللي من الصقور سلم ,
ودهش المطيري زبن في قصر المطرودي صاحب العوشزيه بالقصيم . المطرودي زبنه وادخله في القصر هو والفرس اللي معه ,, وقد اخذ الصقور ركايب مطير اصحابه ,, وتركوهم راجلين فمسكوا طريق القصيم ,, اما الصقور طردوا الخيال الهارب ,, ونزلوا ضيوفآ عند المطرودي صاحب القصر .ولان دهش المطيري بحماية المطرودي ودخيل عليه .. قال الصقور : يامطيري رجالنا سالم وخوياك سالمين والان نريد ان ترد الفرس ,, واختر من الابل مكانها ,, من الكسب ما تشاء ,,
لانها من سلايل اصيله وكان نوعها ( الكحيله ) ,, ورفض المطيري بشرط قال : سلمولي ركايب أصحابي (وكانت كثير من الابل والخيل )وما عليها من القرب والمزاهب , وسيوفهم , وعصيهم , وعقل الابل ,, قال ان سلمتوني جيش اصحابي
سلمت لكم الفرس ,, وانا الان بحماية المطرودي انا والفرس ,,
استشار النبيقي فرسان الصقور ,, هل نعطيه هذا الكسب من اجل فرس فلان اللي معهم : قالوا نعم .. نضحي بالكسب من أجل فلان من الصقور وارجاع فرسه الاصيله له مربط سلاله خيل اصيله ,, وافق الصقور ,,
اظهر المطرودي دهش المطيري من قصره وهربه,, ولحق بجيش مطير اللي يمشي على الاقدام ,, واذا هو يغني بأثرهم , وهم على اقدامهم , فلما التفتوا واذا هم يعرفون ركايبهم , ما املوا ان الله سوف يرد لهم ابلهم ,, وفرحتهم بابلهم

وقال دهش بن عسم الصهيبي المطيري :

اعترضت لفارس ما صد عني =من يميني طاح قـدم المقبلينـي
راعي المطرود قصره مزبن لي =يوم جيته زابن ذرب اليمينـي
نوخوا ضيفان قدمه واصخمنـي =ويوم شفت لجيشنا متقاسمينـي
الطماعه عفتها من طيب ظنـي =والفخر للـي مواقفهـم تبينـي
قال ليه يا مطيري خـوذ منـي =اختر القطعان واطلقها تجينـي
الكحيله مربـط مـا ينصحنـي =من مرابط خيل أهلنا الأولينـي
قلت له بركاب ربعي يحضرني =كان ربعك يالنبيقي سامحينـي
والقرب هي والمزاهب يجمعني =مع مراقيع الضياحيـه تجينـي
يوم جيبن من حفاهن يركعنـي =كن هاك اليوم ابوخمس السنيني
محلا باكوارهن صوت المغنـي =يوم ركبوا فوقهـن مستأنسينـي
هن هواية يوم هجن واقرشنـي =الركايب سالمـات وسالمينـي
لا انتوينـا للزراجـه يقطعنـي =ربح والا للخسـاره قادمينـي

......... وسلامكتم


المصدر وما يحتويه من قصائد تثبت .. هو اكبر دليل للكاتب .. بعيد عن الظلم
المصدر : كتاب قصه وابيات . للمؤلف / ابراهيم عبدالله اليوسف
روايه / محمد بن جازع بن دله الصهيبي المطيري
صفحه رقم ( 192 ـــــ 193 )

ارجوا من الاخوان قرائت القصيده اكثر من مره ,, فالقصيده هي الدليل القاطع
ومن لديه الكتاب ان يقراه ,,

والنبيقي الزوين الصقري من المصاعب من الصقور ,, هذا فارس معروف من فرسان الصقور وعقيد وله شيخه في المصاعب من الصقور ,, وله غزوات كثيره مع مطير منها مغزى ( مليح ) هذا جمل عند مطير اخذه منهم هو وفرسان الصقور اللي معه ,, مع اكثر من 800 ناقه وهربوا بها الى ديارهم وابارهم البريت شمالا ,,, ان شاء الله نكتب القصه هذي بالمنتدى هذا كامله بالشواهد والادله ,,,

هذا مفيد القصه لايجيني واحد يقول المؤلف لم يقول هذه الكلمه ,, المهم انهم كسبوا جيش مطير وجعلوهم يمشون على الاقدام ( حسب ما ذكر الراوي محمد ابن دله المطيري ,,
__________________

جونا ثلاثميـة وحنـا ثمانيـن=مثل المحوص الشلف منهم ومنا
وبانت رديتهم وشفنا الردييـن=وكل عرفنا عزوته يـوم كنـا
ليتك تراعي يا عذاب المزايين=يوم أن عيـدان القنـا يطعننـا
منا حليلك طاح بين المثاريـن=في ديرة فيها الوضيحي تثنـا
ومنهم جدعنا عند شوقك ثلاثين=وكم خير من راس رمحي يونا

عقاب العواجي

ونعم في بني وايل

أهل الهيل والخيل

وأفعالهم تسجل بخيوط الذهب

مشكور أخوي تالي الأولين

وتقبل تحياتي

أخوك ابن عصيم الحلحلي

[مطير عزوتي]

ونعم والله في وايل وابناء وايل جميع وعنزه ما يحتاج نذكر فعايلها انتم

حاكمين , المملكه العربيه , الكويت , مملكه البحرين .

واذا في احد يجحد هالشيء هذا انا عندي شجره عنزه بأكملها

لكن ياخوك ما يصير يعني فرسان ماسكين جيش كامل مثل ما انت تقول .

واذا انا ما ادري اتمنى التوضيييح لأن التاريخ حرام انه يتزور واعتبرني

طالب لديك .

تحياتي اخوك المطاري

[الشرقي]

خايب الاولين : صار مثل اللي{ مولمن العصابه قبل الفلقه } نسائل الله له الشفاء العاجل , عندما تذكر سوالف بمصادر وتستدل عليها ماحدن قايل شي بل علي العكس ستجد نقاش جيد ولا فيه إشكال عليك , ومطير قبيله تتنتصر وتهزم وهاذا حال القبائل كلها , غالب ومغلوب , ولا فيه شي , لكن سوالفك ومصادرك الحديثه المعاصره هي اللتي لابد أن تعيد النظر فيها كانك ماتبي الظلم , تقول في هاذا المنتدي أبي أذكرها , هو فيه أحد مانعك لاتذكرها , أذكر اللي تبي وحط العنوان اللي تبي لكن بمصادر ,
وراح تلقى الردود المناسبه , وحنا لدينا السوالف المناسبه والعنوان المناسب لذالك ماهوب عاسرنا , والمصدر موجود وأسم المؤلف موجود .

[حـمـران الـنـواظـر]

......... اول مشاركه واسلوب همجي غير مقبول
يجب التقيد بحسن الالفاط واحترام الاخرين والمناقشه بالادله والبرهان .....

الاداره

[تالي الأولين]

عزيزي الشرقي لا تعصب ياحبي...

عزيزي لازم تقييد بحسن الالفاط واحترام الاخرين والمناقشه بالادله والبرهان

اذا عندك براهين وادله تنفي موضوعي هاتها ولا يصح الا الصحيح ياعزيزي


ودمت بود

[تالي الأولين]

مطير عزوتي

ابن عصيم


ما عليكم زود وشكرا على المرور الجميل


دمتم بود

[راجح النفيعي]

ونــعم في بنـى وايـل هل الكرم والشجاعه ولاهي غريبه عليهم

[تالي الأولين]

راجع النفيعي


ما عليك زود ونعم فيك وفي ربعك وفي كل القبايل


واشكرك على مرورك الجميل


دمت بود

[الشرقي]

المشاركة الأصلية كتبت بواسطة تالي الأولين

عزيزي الشرقي لا تعصب ياحبي...

عزيزي لازم تقييد بحسن الالفاط واحترام الاخرين والمناقشه بالادله والبرهان

اذا عندك براهين وادله تنفي موضوعي هاتها ولا يصح الا الصحيح ياعزيزي


ودمت بود

لاء انا لم أجحد السالفه و السالفه عندي خبرها قبل ماتتطلع عليها أنت , والسالفه مافيها شي , أخذت عنزه ركايبهم وردها واحدٍ من هل الركايب كما هو موضح في نقلك , يعني لم تكسب عنزه شي في ذلك اليوم , صحيح إنتصرو بالمنع ولكن لم يدم طويلأ , وعنزه قبيله لها بأس وشده عظيمه وأهل صولات وجولات نعلم بها قبل ما أنت تتحدث بها , وننتصرت على مطير الخير وهله .