رسالــه إلى الشاعر ـــــــــ مقعد الدغيلبي @@@

[ناصر الجلاه]

السلام عليكم ورحمت الله وبركاته .

هذي قصيده ارسلها من هذا المنبر للشاعر : مقعد الدغيلبي .

من المسؤل فالشعر ومصيره=من المسؤل لا راحت ثريره
شواعيرٍ نشت فأتلى الليالي=تبى تسوي على العالم خبيره
تبى تصنع ملاحم بالقصايد=تبى يطلق عليها بالكبيره
وهي والله محدرتٍ بوادي=تهيم وفالنهايه مستخيره
قرادة حظ يأهل الشعر قوموا=كسيره وافزعولي بالجبيره
مدام الشعر ميراث وراثه=نرد اللي تغثرب جم بيره
ومدام الشعر لونٍ نشتقيبه=نوقف عنه عميان البصيره
مدام إلنا مصادر في عماره=رحانا في مجاله مستديره
لزوم إن قولها كلمه صريحه=على الناس الغنيه والفقيره
ترى شعر العرب بريئ منكم=وكم من خير جاء من باب خيره
هذا قولي وقولك بإنتظاره=يامقعد ياحزامي فالمغيره
يامقعد ويش رأيك في كلامي=أنا أعدك من كبار العشيره
رجل بالعرف مايلحقك قاصر =وأنا من هو سواتك بأستشيره
مدم إنك موردها الموارد= وبحبالٍ ترى ماهي قصيره
أقول انظر بوضعه يابوفيصل=وناظر سيرته فالوقت سيره
نشوف الشعر وضعه صار مزري=غشاه الجهل في شبه الجزيره
ابيك تقول للعراف كلمه=وكلمة عارفٍ مثلك مثيره
وابيها منك للجهال حكمه=وتبقى بأسمنا في كل ديره
ابي ردك تقوله في محله=وألك بالفعل وقفاتٍ شهيره
وابى أختم مابديته بالتحايا=عدد طيرٍ تقلقل من مطيره
على محمد نبي الله شفيعه=لنا في يوم شره مستطيره

وسلامتكــــم

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[أبو نجر النفيعي]

..

فـــــزّاع ... جزاله وأبـــــــداع ..

صح لساااانك ملالالالالايين يا فزااااااااااااع ..

جزله ومن راس جزل ..

وفي انتظار ابو فيصل

.

أخوكم.

التوقيع

.....

[مخلف الهقاوي]

فزّاع ياهلا بالجزاله وراعيها

وعز الله انك صادق

وعز الله انك مرسلها لشاعر جزل


وهو مقعد الدغيلبي

لاهنت وصح لسانك

[مرزوق حمدان العتيبي]

...
.
فزاع الابداع صوت ولا اروع ننتظر صداه من ابو فيصل
... فلله درك ... اصبت الحقيقه ... لافض فوك ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ناصر الجلاه]

..


ابونجر النفيعي .. مرحبا بك شرفت الصفحه

صح بدنك يالنفيعي .. والجزاله اصلك


لاهنت

[ناصر الجلاه]

..


مخلف الهقاوي مرورك عطر واطرائك شرف لي

الجزاله من مبدااااك يالذيب .

لاهنت

يامخلف الهقاااوي

[ناصر الجلاه]

..


مرزوق العتيبي ابومحمد مرورك كريم كما عهدناك


لاهنت يالغااالي واطرائك وساااام على صدري

م
و
د
ت
ي

[متعب العصيمي]

صح لسانك يافزاع مدد بلاعدد ...

وننتظر رد الشاعر مقعد الدغيلبي ..

ولك كل التقدير والاحترام,,

[ناصر الجلاه]

..


صح بدنك يامتعب العصيمي.. مرورك شرف لي يابن العم

لاهنت يامتعب .

[مقعد الدغيلبي]

ناصر الجلاه

ماقول الاصح لسااااااااانك

ملايين

ولاهنت وابشر بالرد يابن العم وعساني

اوفق في ردي ومنك نتعلم الجزاله والابداع

علما ً توني دريت ولاكن ابشر بالخير

واشكر جميع من قام بالرد من ابنا العم والزملاء

ولاعليكم زود

تحياتي وشكري وتقديري للجيميع

التوقيع