حنّا عتيبه ياولد

[مخلف الهقاوي]

السلام عليكم ورحمة الله وبركاته

اخواني اعضاء منتدى الهيلا الكرام..تواصلاً معكم اضع بين ايديكم هذه

الابيات راجياً ان تلقى بعض استحسانكم:

ليت النوايا تستوي ونفوسنا القشرا تعود=ليت القلوب السود تصبغ بالبياض الوانها
ليت البلايا اللي مضت تمشي بها عين الحسود=ياليتها ترجع على الحسّاد صوب اعيانها
ياصحابنا اللي باعدت مابيننا طوال السدود=ليت القضيّه تنتهي بكره ويقضي شانها
حنّا عيال اليوم والسّاهي يكفّيه السجود=واللي يبي يقرا الحقيقه يقتفي برهانها
حنّا عتيبه ياولد واجدادنا نعم الجدود=قوم الشجاعه والكرم يصهل صهيل حصانها
حنّا هل الطالات يوم الكايده نرقى سنود=حنّا مزبنت الكسيره نحتمي ورعانها
حنّا هل الفزعه ليامنّه بغى الظالم يسود=حيّ العتيبي لافزع فزعه يكيل اوزانها
حنّا وحنّا وان بغيت الصدق حنّا عيال عود=اسّس لنا دولة شجاعه ماتطيح اركانها
حنّا على ذبح الفريسه ماتخاشرنا الفهود=حنّا صقور الصيد تصعد للسما جنحانها
يفرح بفزعتنا عقيد القوم خانوه الجنود=ماترتخي راية ورايتنا تغير وزانها
يشهد لنا تاريخنا يوم الردي ماله شهود=يشهد لنا سيف الشجاع اللي علومه عانها
يشهد لنا تاريخنا يوم الّليال البيض سود=يوم القبايل تعتزي بالمعركه فرسانها
نجد العذيّه مالقت من خان فالهيلا عهود=اصغرهم اللي ماكذب واكبرهم اللي صانها
ماخانها ابن حميد واقف يحتميها في صمود=يوم استلم نجد العذيّه مايفك عنانها
مسلط وعسكر والعطاوي وان بغيت اذكر حشود=فرسان يوم المعركه يلعب بها شيطانها
وتحت راية دولته عبد العزيز آل السعود=سارت عتيبه في صفوف الحق مع فتيانها
سارت ولافيها ضعيف النفس مافيها شرود=بيض الوجيه اللي نطق بالحق عظم لسانها
بيض السيوف اصواتها غطّى على صوت الرعود=سود الرماح تصيب كبد الخاينه بأسنانها

[أبو نجر النفيعي]

..

صح لسانك .. يا مخلف الهقاوي ..

قصيدةٍ جزله من راس جزززل..

وبيض الله وجهك يالغالي ..

وننتظر جديدك ..

.

اخوك

التوقيع

.....

[مخاوي العتبان]

الله الله

قصيدة جزيلة من شاعر جزل

بيض الله وجهك يالذيب وعساك على القوة

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالغاااالي

[زبن القاضي]

مخلف الهقاوي


صح الساااااااااااااااااااااانك


ولله درك


احترامي وتقديري لك

[ابن معيض]

مخلف بيض الله وجهك

وصح لسااااااانك وعلا شااااااااانك

شهادتي فيك مجروووحه

ابداااااع في ابدااااااااع

تحياتي لك ،،

[صنداح الزلامي]

مخلف الهقاوي صح لسانك بيض الله وجهك

يعلم الله أنني استمتعت بهذه القصيدة

واعجبت بها وبشاعرها سجل أعجعابي

وتقبل مروري نتطلع للمزيد من قصايدك

[مخلف الهقاوي]

المشاركة الأصلية كتبت بواسطة أبو نجر النفيعي

..

صح لسانك .. يا مخلف الهقاوي ..

قصيدةٍ جزله من راس جزززل..

وبيض الله وجهك يالغالي ..

وننتظر جديدك ..

.

اخوك

صح بدنك اخوي ابو نجر..

اسعدني مرورك يالغالي..

[مخلف الهقاوي]

المشاركة الأصلية كتبت بواسطة مخاوي العتبان

الله الله

قصيدة جزيلة من شاعر جزل

بيض الله وجهك يالذيب وعساك على القوة

حياك الله اخوي مخاوي العتبان..

قواك الله اسعدني مرورك..

[مخلف الهقاوي]

المشاركة الأصلية كتبت بواسطة ابوبجاد الرويس

الله الله

صح لسانكـ

وبيض الله وجهكـ

وتقبل مروري يالغاااالي

صح بدنك ابو بجاد..

مرورك اسعدني يالغالي