الإرث الهلالي ...والشعر الحماسي عند عتيبة في الماضي

[الخنفري]

الاخ هنيدس
بيض الله وجهك على هالموضوع
وودنا بالمشاركة ولكن في الشعر الحماسي لعتيبه هذا اللي نقدر عليه
يقول الشيخ تركي بن حميد في وصف لقبيلته
حنا كما حرن مرابية الاوعار ...... يشهر اليا شاف الجفا عنه راحي
وها هنا نجده يصف شجاعة قومه
فزوا من المجلس على شبة النار ...تناولوا سلم القوايم صحاحي
ولحقوا عيالن ما تمالوا بالاشوار ... ضارين في نثر الدمي بالرماحي
وكم خيرن في مطرد الخيل قد عار ... من ضرب ربع يبعدون المناحي
ياما حديناهم على الموسم الحار .. هدات حر تعجب اللي يناحي

كذلك نجد الشيخ تركي يثني على ربعه في انتصارهم في احد المعارك
بقوله
لي لابة تشلع من السن سنا ......ان كان بالغارات والا الطوابير
ناس اليا حلوا على القحص جنا .... في منتهاه ننزح النمر والزير
وهذه بعض الابيات للشاعر عبدالله بن دخيل العصيمي
يصف قبيلة عتيبه
حنا عتيبه هل النطحات يامسكين الاوزار .. كم من حريب نعرقي كيته فوق الكبودي
ناطا الاعادي بفعل ايماننا في كل محضار .. بمسلب في يدانا ذخر اهلنا والجدودي
ابها نمشي الخوي وابها نثبت منزل الجار .. وابها نمشي الثلاث البيض ....... العنودي
ونجد فالح اليمني الزراقي يقول في احد الوقعات
حنا الحرب عمدانه وحنا ميسمه نحميه ... وحنا العله اللي في كبود القوم تزدادي
وحنا كم هدمنا من ذرى بيت على راعيه ... وخلينا اليتامى يقعدون بحال الازهادي
احد نصبح عليه بقسمة المولى واحد نمسيه .. واحد سبر يتواجه كن بين السبر ميعادي
الخ
وللحديث بقيه
تراني عجل