رد قاسي على ياسر التويجري

[ضيف الله المسعودي]

رد الشاعر محمد بن علي الفليج من أهالي رغبة على قصيدة ياسر التويجري " عطني زقارة كنت و إلا دفيدوف "
حيث يرى الشاعر أن لهذه القصيدة تأثير سلبي على النشء

للاستماع

ما دام ما للرب في ضامرك خـوف=إشرب من الدخـان واجـد ونـوع
و إن كان ما كفاك جابوا لك قطـوف=حارب رسولك في الحـرام المنـوع
و أسمع موسيقى بين جيتار ودفوف=كـودك تطـور مـا تعـود مطـوع
يومك تجاهر بالخطا منـت مكلـوف=أنتا كما اللي عقـب ممشـاه كـوع
منتاب ياسر أنت خاسـر ومنـذوف=يا النكره اللي من الفضايـل مجـوع
الدين بحر طامي و أنـت خاطـوف=إنفث سمومـك فـي غبابـه وزوع
وواصل قصيدك دام تصفق لك كفوف=كفوف أهلهـا فـي غباهـا تـروع
بوم تجمع مـن صناديـق وكهـوف=تضحك عليها يا السفيـه المسـوع
يا وقت يكفينا عواصيف وشعـوف=حثيل الأرض أمست بدينـك تهـوع
طغمة شياطينٍ تلوف الخنـا لـوف=وتحـارب السنـة بحقـد مـفـوع
يا ربي ارحمنا قبل ماقـف الخـوف=و لا تواخذنـا بفعـل المـصـروع
في سنتك قام يعثـي كـل حنتـوف=غره زمانـه والجليـس المخـروع
أما بني وايل مـن الحـد للجـوف=ترفـض يمثلهـا سفيـه تـمـوع
قبيلـة تاريخهـا فـوق مـعـروف=وما يمحي التاريخ هـذر المشـوع

[تركي المسعودي]

صح لسان الشاعر
ويعطيك العافيه على النقل الرائع
وهووووووويستاهل وانا
اشهد انه رد قاسي

[طارق المسعودي]

وواصل قصيدك دام تصفق لك كفوف كفـوف أهلهـا فـي غباهـا تـروع

انا اشهد انه صدق وصح لسان راعيها,,

مانقول الا الله يهديه بس

ومشكور يالنفيعي على نقل القصيده

[خلف بن مرزوق]

...
..

بيّض الله وجهك يبن عوجان

هذا والله الشاعر اترك عنك شعار المجلات

هناك قصيدة اخرى ان لم تكن هذه سأشارك بها

مووووودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[نجد العصيمي]

صح لسانك ولسان الفليج عز الله ما قصر في التويجري



لا هنت على النقله الجزله ابن عوجان

[عتيبي معاصر]

ابن عوجان

.........................

الله يبيض وجهك على النقل الرائع

والمتميز ولك احترامي وتقديري

[ابو عتال]

الــــــــــــــــــــــــــــــــــــاـــــــــــ ــــــــــــــــــــه يـــــــــــــــجـــــــــزاك انت والشاعر كل خير

[متعب العصيمي]

ماشالله عز الله انه شاعر وبيض الله وجهه وجه من نقل القصيده

لاهنت ابن عوجان

تحياتي لك

[السميــــــري]

أما بني وايـل مـن الحـد للجـوف = ترفـض يمثلهـا سفـيـه تـمـوع

صدق والله

والانسااااااااان لايفتخر بالمعصيه ويتباها بها

امام الملا

يستااااهل ماجاه

....

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..

.
صح الساان الشاااعر

واي والله انه رد قووووووي

لاهنت يابن عوجااان...


..

.
تقديري

التوقيع

.....