بسم الله الرحمن الرحيم
هذه الأبيات لشاعر مطلق النواح غني عن التعريف و لديه العديد من القصايد و النصايح
الذي يستفاد منها و فيها موعظه للمعتبرين
يـقـول مطلـق حيـن مبدأ كلامه = بشهود وارد ما عليه نكور
مثايـل النـواح ساعـة يعـدها = سوات صقر في مثان صقور
ينكف معانيها و يعرف مصيبها = ماهوب يودعها هبن منثور
يدرى عليها من عريضية القفا = اللي يحطون العظام كسور
لعابة المجلس قليلن حصيلهم = يبنون من كثر الكلام قصور
أنا ليا مني بدعت كلامي = أصلحه في صالح الجمهور
أخلي اللي يسمعه يستلد له = يروح من عندي و هو مسرور
ليا صار ما لرجل فكرن يدله = يأخذ من العقال فكر و شور
و المعرفه ما هيب بيع و مشترى = وهبه من الله بالقلوب تدور
ليا حبك الله يا بن ادم دبرك = و خلاك تمشي في طريق النور
عطاك رزقن ما يرده حاسد = اللي رزق دابن عمى بجحور
خير الكلام اللي نقوله صايده = لو هو قليّل صاحبه مشكور
يا سامعين الصوت صلوا و سلموا = على نبين بالهدى مذكور
شاكرين لــكــــــــم
« آخـــر الـــمـــشـــاركــــات »
01-Sep-2006, 08:15 PM
نـصــــايـــــح مطلق النــــواح
العرض العادي
