الطائره و الذلول

[ابو فراس]

ابو مالك لاهنت ياطويل العمر وانت تامر ياالذيب والقصيده اللي طلبتها يقول ابن قضعان :

الله اكبر يافقير القلب ابو نفسٍ غنيـــــــــــــه
مالك الا الصبر والجنه لقاها من لقاها

والهوى اللي يطرح الرجال في يدين اجنبيه
علةٍ بالجــــوف لاتبرا ولا يلقى دواها

والهنوف اللي لرد الثار تاخذها الحميـــــه
شفتها بالعين في قلبي وهي تاخذ قضاها

وشفتها تشــــــــتاق تطعني بلا ذنب وخـــطيه
كثر ما تشتاق لاعماقي وانا اشتاق لدفاها

كل ماعرقت بميســـــمها تحريت لخــــــــويه
ولحقت بالميسم الميسم كذا على عماها

عـاقبتني كل يومٍ تلحــق الكيــــــه بكيـــــــــه
وتعبتني وادركتني ولحقت نفسي مداها

وان تمادت جهزوا قبري وانا بكتب وصيــــه
بكتب الله لايعاقبها ويرضى لي علاها

العمـــــار تلفــــــــــــها الايام والدنيا مــــديه
والسنيين تلفني والنار تحرق من وطاها

علموها تلحق الباقي مدام الشمــــــــس حيه
واتغانم مابقى مني وماتطلب فداها

لاتمادى في جفاها والرياح الموســــــــــميه
ماتقدر وقفت الاشجار وتثمن عطاها

وعلموها مابقى لي غير ادن الهاشـــــــميه
كان ترضاها علي ولاتهونمن جفاها

وانصحوها لاتحمل نفســـــــها نفـــــسٍ بريه
وذكروها بالقبر لاعلها ولاعساها

وعلموها علموهـــــا لاتطـــــــول فـ الحويه
ديرةٍ ماهيب ديرتها لو اعجبها هواها


وسلامتك