يقول اللي رمع للقاف هاجوسه وصاغ ابناه .. قصيدة موجهه لزيد المليحي

[ابـن عـمـره]

بسم الله الرحمن الرحيم

هذه قصيدة اخويه للشاعر محمد بن عمره موجهه للاخ الكريم/ زيد المليحي
نقدمها لمنتدى الهيلا ..

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="solid,4,gray" type=0 line=200% align=center use=ex length=0 char="" num="0,black" filter=""]
يقول اللي رمع للقاف هاجوسه وصاغ ابناه "=" كما صوغ الجنيه اللي يميز رمزه السيفي
تهيّض خاطره واللي خاف الضمير ابداه "=" بعد ماحل في ساحة ربيع الجار والضيفي
عسى غر المثايل من تواضعها تنال ارضاه "=" تنال رضاه ورضا اللي يحضر من العواريفي
قطفنا من سنام الشعر ماطاب وتحاسناه "=" تماثيلٍ بريه من مجال الشك والزيفي
تعابيرٍ كما غيدٍ بياض ثغورهن مشهاة "=" يهاون الكريم اللي بفعل الطيب قد شيفي
يغازلهن شريف السلم ويعود بعز صباه "=" ليا منه تولع في غريبات التواصيفي
تسامى يم نجم سهيل واليا صافحت يمناه "=" تعم اللي لهم بالطيب عادات ومواقيفي
جواهرها تصافح زيد عقب معانق محياه "=" على وضح النقاء والورق يسجع بالغطاريفي
نظمناها وجبناها بطابعها ذهب مهداه "=" لأبو بدر اللي له مع الوفاء عهد ومحاليفي
كريمٍ ماذكر بالبخل في ماله ولا بالجاه "=" ذرا وضلال من يشكي من الدهر الصواديفي
صخيٍ في ندا كفه وعجلٍ للهشال قراه "=" يبين النور بحجاجه من الفرحه ليا ضيفي
كما شط الفرات اللي يبرهج كل ظامي ماه "=" ببيتٍ كنه الميناء بتخريج المصاريفي
مشرع جامعه دايم ومن جاء قاصده يلقاه "=" كما عال الجبال اللي على ماحوله منيفي
تعرفه كل اهالي نجد بأكملها حضر وبداه "=" وماحدت جهات الاخضر من السيف للسيفي
تشتي عن برود الشبط بعض الناس في مذراه "=" وفي ظله تفيا كل ماجاء موسم الصيفي
على الناموس والطاله بنى صرحه وشاد حجاه "=" ملاذ لمن شكى دايم من الخلات والحيفي
يامال العز يابيتٍ محاويج العرب تنصاه "=" بناه اللي من اجل الطيب ماعد التكاليفي
يقصدونه هل الحاجه من اقاصي الوطن وادناه "=" مثل مايقصد المسني ديارٍ جايها الريفي
ابوبدر اللي شعار الوفاء والطيب من سيماه "=" كما هتاف غيثٍ ماتجي معه العواصيفي
عسى الحسدان والرديان وضعوف العزوم فداه "=" فدا اللي دون ربعه يارد الماء الكدر لاعيفي
اخصه والمدايح للحضور ثيابها مظفاه "=" على الغلبا مقلطة الشحم للضيف والكيفي
مزبنة الجريم اليا زبنهم والطرد وراه "=" بطيب السلم والا حد سلات المراهيفي
واهل بوشٍ ليا طاح الحيا يم الخطر يرعاه "=" يشد له السلف لو الخطر من يمه مخيفي
زمان الحرب يوم الناس كلٍ دون حد حماه "=" يحلون الخطر لاهيب بالعرب المشاعيفي
هذا والشعر يكفي عن كثيره صايبه وحلاه "=" يقوله قبلنا راكان مايحتاج تعريفي
وانا ماقلت قول مايوافق واقعه معناه "=" ومدحي بالكريم يزيد من قدري وتشريفي
واختمها بذكر اللي بعث فينا النبي بهداه "=" عدد مالاح نور البرق في المزن المراديفي
[/poet] ولكم تحياااتناا..

[ابن فرحان]

لله درك يا ابن عمره قصيده ممتازه والمليحي يستاهل

تحياتي لشخصك الكريم