من قصايد الشاعر حزام العصيمي

[ابن رايس]

بسم الله الرحمن الرحيم
هاض الضمير وسطر الشعر تسطير واختار جزلات البيوت ونظمها
مثايلٍ فيها عن الشك تحرير لاضاق دولاب الضماير زهمها
وتواردن للقلب حيل ومعاشير وقام يتنقى ويتخير حكمها
من شان مايلحق على البيت تقصير ويحكيبها متعرضٍ مافهمها
مايدري ان الشعر معنى وتعبير وكلٍ على كيفه بيوته رسمها
ويالايمي في نجد منت ابعلا خير تقول نجد اوجودها هوعدمها
كلمتك صارلها على القلب تاثير وقع سهمها فالضلوع وقسمها
الدار اله فالقلب حشمه وتقدير ويهون رجلٍ ديرته ماحشمها
ارض الفخر وارض الرجال المناعير وام الكرام اللي قديمٍ كرمها
وام الشيوخ اللي تهز الطوابير اللي على المخطي سريعٍ سهمها
حامينها من فوق قبٍ مشاهير وجيشٍ من الدقلات مقفٍ شحمها
بيمانهم حدب السيوف البواتير صلب العظام القاسيه ماثلمها
وخويهم لو هو على لاهب الكير يحيا حياة بينهم ماحلمها
تشهد لنا بالفعل قحطان ومطير وكل القبايل ماتهفي ذممها
مواقفٍ ماهي سوالف واساطير نحتل من روس المعالي قممها
وحل الامان وفالسما غرد الطير للي حمى سور البلاد وحكمها
عبدالعزيز مطور الدار تطوير داره بشرع الله يرفع علمها
دستوره القرآن بين الدساتير الله ابه صان البلاد ورحمها
اقولها مالي بها مقصدٍ غير ماني مدور حاجةٍ بغتنمها
آخذ من الدنيا دروس وتعابير وانظر لرجلي قبل ياطا قدمها
مار الزمان اعوج ولافيه تبرير ابيوت يبنيها والاخرى هدمها
احدن لقى فالوقت خير وتياسير واحدن همومه في ضلوعه كتمها
اللاش تال الوقت سلطان وامير والحر محدن كلمته يحترمها
المال يخر فالرياجيل تغيير والفقر قصار العرب عن شيمها
ينتل قلبي تل دلوٍ على بير دلوٍٍ على الشفه تقطع وذمها
ويحن قلبي حن خلجٍ على ظير اللي من اللوعات نارٍ نسمها
اشكي لبو بندر بعيد المشاوير اللي ليا طات وكبرت حسمها
واشكي لبو ماطر صبي المخاسير زيزوم جزلات المثايل علمها
ولاشوف للاثنين عني معاذي الا بكلمة هاتها واستلمها
وصلوا على اللي نور الدين تنوير برسالته كل الرسايل ختمها

[سهم العضيان]

تشكر ياابن رايس بس لو تنسقها
وتقبل تحياتي

[يوسف عبيد]

صح لسانك يا ابن رايس على القصيدة الرائعه

[ابن رايس]

نشكركم على هذه الردود الطيبة اما من ناحية التنسيق ياسهم العضيان ما اعرف كيف الطريقة حاول انت او احد الأخوة

[كاسب الطيب]

ابن رايس


صح لسان الشاعر و سلمت يمين الناقل


وبيض الله وجهك على النقل الرائع



تحياتي لك

[كاسب الطيب]

الاخ ابن رايس و سهم العضيان .


الــيــكـم الـقـصيده بــعـد التنسيق :

هاض الضمير وسطر الشعر تسطير = واختار جزلات البيوت ونظمها
مثايلٍ فيها عن الشك تحرير = لاضاق دولاب الضماير زهمها
وتواردن للقلب حيل ومعاشير = وقام يتنقى ويتخير حكمها
من شان مايلحق على البيت تقصير = ويحكيبها متعرضٍ مافهمها
مايدري ان الشعر معنى وتعبير = وكلٍ على كيفه بيوته رسمها
ويالايمي في نجد منت ابعلا خير = تقول نجد اوجودها هوعدمها
كلمتك صارلها على القلب تاثير = وقع سهمها فالضلوع وقسمها
الدار اله فالقلب حشمه وتقدير = ويهون رجلٍ ديرته ماحشمها
ارض الفخر وارض الرجال المناعير = وام الكرام اللي قديمٍ كرمها
وام الشيوخ اللي تهز الطوابير = اللي على المخطي سريعٍ سهمها
حامينها من فوق قبٍ مشاهير = وجيشٍ من الدقلات مقفٍ شحمها
بيمانهم حدب السيوف البواتير = صلب العظام القاسيه ماثلمها
وخويهم لو هو على لاهب الكير = يحيا حياة بينهم ماحلمها
تشهد لنا بالفعل قحطان ومطير = وكل القبايل ماتهفي ذممها
مواقفٍ ماهي سوالف واساطير = نحتل من روس المعالي قممها
وحل الامان وفالسما غرد الطير = للي حمى سور البلاد وحكمها
عبدالعزيز مطور الدار تطوير = داره بشرع الله يرفع علمها
دستوره القرآن بين الدساتير = الله ابه صان البلاد ورحمها
اقولها مالي بها مقصدٍ غير = ماني مدور حاجةٍ بغتنمها
آخذ من الدنيا دروس وتعابير = وانظر لرجلي قبل ياطا قدمها
مار الزمان اعوج ولافيه تبرير = ابيوت يبنيها والاخرى هدمها
احدن لقى فالوقت خير وتياشير = واحدن همومه في ضلوعه كتمها
اللاش تال الوقت سلطان وامير = والحر محدن كلمته يحترمها
المال يخر فالرياجيل تغيير = والفقر قصار العرب عن شيمها
ينتل قلبي تل دلوٍ على بير = دلوٍٍ على الشفه تقطع وذمها
ويحن قلبي حن خلجٍ على ظير = اللي من اللوعات نارٍ نسمها
اشكي لبو بندر بعيد المشاوير = اللي ليا طات وكبرت حسمها
واشكي لبو ماطر صبي المخاسير = زيزوم جزلات المثايل علمها
ولاشوف للاثنين عني معاذير = الا بكلمة هاتها واستلمها
وصلوا على اللي نور الدين تنوير = برسالته كل الرسايل ختمها

[ابـن نـعـيـس]

بيض الله وجهك


ولاهنت



تحيااااااااااااااااااااااااااااااااتي

التوقيع

[ابن رايس]

االسلام عليكم ورحمة الله وبركاته

بيض الله وجهك ياكاسب الطيب على التنسيق والله لايهينك على المرور انت والمشرف والجميع