لا تلج ولا تجي راعي لجاجه

[ابن عاصم]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لاتوحى في كلام اهل الكـــــلام= ولا تلج ولا تجي راعي لجـــــاجه
ولا تخالف حاجه(ن) حسب النظام= ولا تعرض شي مــــالك فيه حاجه
اتبع الدرب السليم ليــــا استقام= ولا تعوج مع طريق اهـل العواجه
وان حضرت طلابه(ن) فيها احتدام= لا تذب بنفسك بوسط العجـــاجه
انفهق ليــــن يعقبك العســــــام= ويتبين من صدق لك في احتجاجه
وان طلب منك الشهاده في الخصام= اذكر الــي تعرف بدون انزعاجه
الحقيقه نورها يجلى الظــــــلام= مثل وضــــــاح الصباح وانبلاجه
الشهــــــــاده حق جاحدها يلام= وانت نـور الحق لا تطفي سراجه
وان حضرت المجلس ابدا بالسلام= لـــو ما راعيه منطلق(ن) حجاجه
ان بديته بالطــــــــافه باحترام= ســـاع ماغيرت مـن يمك مزاجه
وجارك الي قطر بيتك لا يظـــام= وانت تقدر تسعفــــه بالانفراجه
ابذل الي تقدر بكـــــــل اهتمام= لين يصبح شاكر(ن) من ابتهاجه
وان بغيت تصاحب اختر في الانام= واحد(ن) ما خالطوه اهل السماجه
من رفيعين المقام اهــــل السنام= خاصمين الخصــم حزات المواجه
والخوي يلزمك حقه لــــــو زام= لو تبين منه نكـــــران وهواجه
احفظ الـــــي بينكم حفظ التزام= لين يعطي درب واسعه (ن) فجاجه

[/poet]



وصح السانك يابن فرحان

قصيده جميله بجمال حضورك