قصيدة في غرض الرثاء

[ابن رايس]

بسم الله الرحمن الرحيم

ام الجمايل توفت كيف ابنساها=اقفت بها علةٍ ماني بفاهمها
فاذواد اهل نجد ماتلقى حلاياها=محولن خشمها هدلن براطمها
زينه ليا ناحرت زينٍ مقفاها=جردن سنادن تخيب من يزاعمها
وليا مشت يلفت الانظار ممشاها=تقول تجزع من الرقه قوايمها
تاخذ شهر فالثرى ماراح ماطاها=مبرومة فخذها فجٍ مقادمها
مقياظها نجد والصمان مشتاها=ياكم وكم ديرة ذبت خرايمها
منها قرا الضيف لامنه تنصاها=ماخمها الزول بحبالها يحزمها
خمسة رياجيل اصدرهم من اسياها=واروي ثلاثة عشر من در قادمها
عاشت كريمه وراع الونش ماجاها =وغيري من الناس ماجدد مياسمها
لاشك جاها زبونٍ ماتعداها=ارسل سبوره علاها لين حكمها
ودعتها يوم داع الموت نادها=ادموعها حولت ووحي ترزمها
تبكي وتشكي عليه عظم بلواها=وانا جداي اكظم العبره وازايمها
من عقبها الذود ماعاد نبغاها=حلفت فالسوق باول سوم ابصرمها

لشاعر المحاورة الكبير /حزام بن سعود العصيمي يرثي احدى ابله

[قرنــاس الصبيحي]

ابن رايس الله يبارك فيك وصح لسان الشاعر حزام العصيمي






تحياااااااااااااتي لك

[نواف2007]

صح لسانك ولسان شاعرها


وبيض الله وجهك



تقبل سلامي

[فواز الشيباني]

صح لسانك ولسان من قالها

الله يعطيك العافيه
ولاهنت

[مؤمن]

اخوي ابن رايس مشكور على القصيدة



وصح لسانك ولسان شاعرها ابن العم حزام العصيمي



ولك كل الحب والمودة

[ابـن نـعـيـس]

ابن رايس

تسلم يمناك

ويعطيك العافيه

واسمح لي على تنسيقها


تحياااااااااااااااااااااااااااتي

التوقيع