اللـه مـن قـلـب هـمـومـه تـسـريــه

[عبدالله الحمياني]

[TABLE="width:70%;"][CELL="filter:;"]

بسم الله الرحمن الرحيم


إخواني أعضاء منتدى قبيلة عتيبه الشامخ

أضع بين أيديكم هذه القصيده المتواضعه

وعساها أن تنال على إعجابكم ورضاكم

[/CELL][/TABLE]

الله مـن قلـب همومـه تسـريـه=كل ماتذوق النـوم عينـه سروبـه
من وين ماوجـه همومـه تباريـه=طغى عليـه اللهم وأعمـى دروبـه
من واهج فالقلـب لا هبـه يكويـه=وأوقد علـى قلـب المعنـا لهوبـه
اللين صك اللحـي باللحـي مطنيـه=جور الزمان اللـي غدالـه شبوبـه
القلـب مايشكـي غـرام يناجـيـه=ولا يشتكي من الود واللي سلكوبـه
شكواه شكوى من فقد نصف أهاليه=ويصيح بأعلى الصوت وين العروبه
وين اللحم والـدم ويـن المشاريـه=وين النظام اللـي يزيـل العقوبـه
الظلـم واضـح بينـات مـواريـه=والحق معنـا لـو بظلـم ادعوبـه
وين الرجـال مكشفـات غطاويـه=وين الرجال اللـي تفـك النشوبـه
الكـل منـا يلحقـه زود تشـريـه=ولحد(ن)من الشرهه تفلـت جنوبـه
يسأل عليهـا العبـد قـدام باريـه=يوم(ن)محد(ن)بالوسايـط ينـوبـه
قدامنـا خــط لــزوم نبـاريـه=واللـي يتعـدى خطهـم ذا جنوبـه
اليا نفـت أم الكفـر شـئ ننفيـه=واليا انطقت بالعلم نطق اجهروبـه
والمسلم اليا صـاح منهـو يلبيـه=والا يساند صيحـة اللـي انتخوبـه
مافيه مسلم طاغي الظلـم يرضيـه=والشكـوى للـي عالـم ماجهلوبـه
اشوف ناس كـل هالكـون تفنيـه=حتى أعز الناس باعـوا وشروبـه
كـل همهـم دنيـا دنيـه وترفيـه=والا العمـل لـلأخـره ماشقـوبـه
هذا زمان شاع كثـر الفتـن فيـه=ومقدار عز الرجـل مافـي جيوبـه
والا العرب لا صار بالعلـم مافيـه=بـس اللسـان إذا تفاعـل حكوبـه
كل(ن) يداري المصلحه من تواليـه=من خوف ينقص من رصيد إجمعوبه
أنصى إله الكون ربي وأنـا أرجيـه=إنـه يفـرج للعـراقـي كـروبـه
وإنه يـرد لعـز الإسـلام ماضيـه=ويطهر الأقصى من اللـي طمعوبـه

[TABLE="width:70%;"][CELL="filter:;"]

وســلا مــتــكـــم

[/CELL][/TABLE]