رد الحربي على بن الذيب !!!!

[ابـن نـعـيـس]

الشاعر محمد ابن الذيب العجمي: كان له قصيدة يمدح بها الشيخ جاسم... ولكنه في هذه القصيدة.... تمادى على الدين وأنكر ما لا ينكر وقال أن الشيخ جاسم من نور وليس من طين........... و حز في نفس الشاعر هذا التمادي والتطاول على الدين فكانت هذه القصيدة... نسال الله له الهداية



الشاعر : نواف بن سليم البيضاني الحربي

أببـدا بذكـر منـزل العـصـر والتكـويـن=عظيـم الجـلال مهـون الضيـق والـشـدة
وهو خالقي هـو رازقـي والعـرب داريـن=إلى من رضى عني مـا احـد همنـي بعـده
وببـدا بقـاف هيضـه بالحـشـا شيـيـن=غيـارة علـى دينـي ونصـح عـن الـردة
و الا يـا محمـد شاعـر وتلعـب اللحنيـن=بخـيـص ببحرالشـعـر ومـحـدد حــده
ولاهـو بعيـب المـدح بالطيبـيـن يـزيـن=ومـن شـاف طيـب بصاحبـه لازم يـعـده
وصحيح ان بعض الملح في المدح ما هو شين=ولكـن الـى مـن زاد ملـح انقلـب ضـده
ومهمـا تمادينـا تـرى واجـب ان الـديـن=نراعـي جنـابـه مــا نتـعـداه ونـهـده
وانـا ماهقيـت انـك غشيـم تبـي تبييـن=ماتدري عن اصلـك جاهـل بجـزره ومـده
ولا ظنتـي كثـر المهايـط لمثـلـك زيــن=يشينـك مـع العربـان لا سمعـوا بــرده
مدحت الأمير وقلت مـن نـور ماهـو طيـن=ومـا ادري لسانـك للتهاليـك وش حــده
وترى النـاس مـن آدم إلـى آخـر الحييـن=مـن الطيـن يـم الطيـن للطيـن مـنـرده
وجاسم ترى مثلـي ومثلـك بشـر مسكيـن=الا مـات دود الأرض مـا هـاب مـن خـده
وجاسـم أميـر بطيبـه النـاس معترفـيـن=لكنـه بشـر مـن طيـن مثلـه مثـل جـده
عريب أصيـل مـن نسـل نـاس معروفيـن=سمعنـا بطيبـه مـع هـل الطيـب ونعـده
يكفيـه لـو عديـت طيبـه مـع الأقصيـن=عـن النـور هـذا اللـي نسبتـه لـه ورده
وترى الله خلق خلق مـن النـور مذكوريـن=ومنهـم تـرى جبريـل روح القـدس وحـده
وهذي نصيحـة مشفـق لـك شفاقـة ديـن=عـن الغـي ودروبـه وشـي لـك يـحـده

التوقيع

[أبو مرحبا]

ابن نعيس

صح السانك والسان البيضاني الحربي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عيد الغنامي]

صح لسان قايلها
وسلمت يابن نعيس

[ابـن نـعـيـس]

قحص


صح بدنك


مروووورك نور الصفحه يالغالي


تحيااااااااااااااااااااااااااتي

[ابـن نـعـيـس]

عيد الغنامي


الله يسلمك

ومشكووووور على مروووورك الرائع


تحيااااااااااااااااااااااااااااتي

[احمد المقاطي]

ابن نعيس

صح السانك والسان البيضاني الحربي

[ابـن نـعـيـس]

احمد


صح بدنك


ومروووووووووورك نور الصفحه يالغالي


تحيااااااااااااااااااااااااااااااتي

[نواف2007]

ولا ظنتـي كثـر المهايـط لمثلـك زيــن
يشينـك مـع العربـان لا سمعـوا بــرده



ابن نعيس

صح السانك والسان البيضاني الحربي

[ابـن نـعـيـس]

نواف


صح بدنك


ومشكوووووووور على تواصلك الدائم


تحياااااااااااااااااااااااااااااااتي

[مؤمن]

مشكور اخوي ابن نعيس على ذكر القصيدة



احياناً يغتر الانسان بنفسه وينسى في لاحظات انه مجرد مخلوق بسيط كسائر خلق الرحمن لاينفع ولايضر الا بمشيئة الله



اخوي ابن انعيس اكرر الشكر لك والمعذره على كتابة هذه الكلمات



ولك كل الحب والمودة