السلام عليكم ورحمة الله وبركاته
ومن الآيات التي تتجلى موضحة عظمة هذا الدين هو انتشاره رغم الضعف الذي دب في أهله وما الأحداث الأخيرة إلا توضيحا لما خالج القوم من خوف لانتشاره بين ظهرانيهم رغما عنهم,,
كان يا لكافر رسومك من ضنا حقد" شحنكم=دوك علم" يصطلي والنار تقدح بالزنادي
يوم ربعي ابن عامر راح للي ساد منكم=معتقل رمحه على الأيمان والرأي السدادي
ما أحترى منكم ولا فكر في عذر يأتمنكم=الكفر ماله عذر ياعل قومه للنفادي
ويوم شاف الزود والحقران بيّن في لحنكم=قال موعدكم بعد هذي على ظهر الجوادي
وعود لفارس مضر ثم خبره بالعلم عنكم=وارتمت قحطان مع عدنان بأحضان الجهادي
قادها سيف الله المسلول خالد وأمتحنكم =بالرجال اللي تقنعكم صباح" مع هجادي
وفوق غرناطة زعيم المعركة موسى طحنكم=والبنات الشقر سيقن يالنصارى للمزادي
رق ولا مهرهنه صدر رمح" يمتهنكم =في كفوف مروية خضر النمش سقم المعادي
شرق ولاغرب نقع خيولنا ياما دفنكم=فوقهن شب" وشيب" تطرب لصوت المنادي
في هذاك الوقت كنا نرتميكم في وطنكم=يوم كنا باللحى والخيل تعبى للطرادي
يوم كنا بالتقى مانرتضي نتبع عفنكم=ماسمعنا للرخوم ولا رقصنا للروادي
كاملين" بالرجولة تحت نهج اللي غبنكم=ما تميعنا تحت وطأة قنوات الفسادي
وفي هذاه الوقت صرنا مثل لقمة في صحنكم=والسبب حنا نبا العزة على غير الرشادي
وعزة الدنيا وغايتها بظل اللي مكنكم=رغم ضعف أهله في هذا الوقت ,,أيه للعبادي
أية" باتت تجلى لكن المغوي فتنكم =وأعترف بالحق منكم من ترك درب العنادي
والنبي المصطفي ما ضربه حقد" سكنكم=وسبكم يرفع مقامة يارديين المبادي
مير هيدوا يالنصارى وعودوا خضوا لبنكم=ديننا منصور والبشرى بدت في كل نادي
قالها الشاعر بموجز يجرح أبليس" زبنكم=الله البادي ثم المبعوث منهاج" وهادي
أحمد المرسول ما والله لأخو مره رهنكم =لكن الكبر الذي صير ضمايركم رمادي
كبر"وخالط حسد في قاعة السوداء ركنكم =ولا ارتضيتوا بسبته عن وادي الزقوم وادي
وكان قلتوا ذا زمنا قلت أنا ولى زمنكم=من عصاريها تبيّن فرحة أيام العيادي
وياهل الإسلام هبوا للعلى وأحيوا سننكم =ذلك العز الصريح وذلك النصر الوكادي
قلتها وأزكي سلامي للي بالحق أحتضنكم =يا فداه أمي وأبويه والقبيلة والبلادي
« آخـــر الـــمـــشـــاركــــات »
04-Feb-2006, 10:18 PM
كبر"وخالط حسد في قاعة السوداء ركنكم
العرض العادي
