ثغرها فيه البـَــردْ منظوم حوله جمرتيني !!

[يجيلك يوم]

واعذابـي مـن عنـودٍ لا تـروح و لاتجينـي=كلما حاولـت ابانساهـا تعـود بشكـل ثانـي
ادري انـي ماصغـرت بعينهـا وادري تبينـي=لكـن تمـرّ بظـروفٍ عاصيتهـا وتعصـانـي
تنتظرني وانتظرها والهـوى جرحـه مكينـي=بس مدري ويش تاليهـا وانـا همـي برانـي
الغلاء في قلبهـا وانـا الغـلاء بيّـح كنينـي=والله انـي ماتولعـت بسواهـا فـي كيـانـي
يارسول الشـوق وصلهـا كلامـي ياضنينـي=قلها انـي ماقـدرت انسـى محبتهـا ثوانـي
اتذكـرهـا بقلـبـي واتخيلـهـا بعـيـنـي=صورةٍ تعرض بعيني من مكـان اليـا مكانـي
واتذكر صوتهـا الرنـان والوجـه الحسينـي=واتذكرهـا ترحبّـي بعـد ماجـيـت عـانـي
فاتنتنـي بالمحبـه والمحبـه مـن سنيـنـي=صارلي عامين . مع عامين . مع عامين . اعاني
من هواها. من غلاهـا. مـن غـرامٍ مبتلينـي=اشهد اني في هوى محبوبتي ربـي بلااااانـي
إيه صارت من غلاها ساكنه في وسـط عينـي=وصْرت انادي باسمها واترجمه باحلى المعانـي
الهنوف اللـي تحـدى المترفـات بكـل زينـي=زينهـا يظهـر لخلـق الله خفـا و الا بيانـي
ثغرها فيـه البَـردْ منظـوم حولـه جمرتينـي=وجهها كنّه قمر ليليـن مـع عشـر وثمانـي
والعيون وسااااع واوصـافٍ تسـرّ الناظرينـي=والجدايل سود ممزوجـه بلـون الزعفرانـي !
جسمها رشيـق لا ناحـل كثيـر و لا متينـي=إيتمايل وان مشـت يشبـه لعـود الخيزرانـي
ويش اعدّ اوويش اخلي ؟ جوهرٍ كلـه ثمينـي=دامهـا لـي وافيـه فاناشهـد ان الله عطانـي
انتظر وقـت الفـرج واقـول ياربـي تعينـي=ليش تقسي يازماني ؟ ليش تقسـي يازمانـي؟
يازمانـي حبهـا زايـد وهـمـي معتريـنـي=بس اظنك مثـل مـا قالـوا زمـاااانٍ قلّبانـي
دام هالحلـوه تبينـي ياعسـاهـا تهتنيـنـي=وياعسااااانا نلتقي بعد الفـراق اللـي حدانـي
لين اشوف المترفه من بعـد غيبتهـا تجينـي=ثم تعرْ ف اني وفـيٌّ ماختلفـت بشكـل ثانـي

[((الدلبحي))]

تسلم يمناك على حسن الاختيار


صح السانك والسان عبدالعزيزعبدالله المرشدي


لاهنت

تحياااااااااااااااااااااااااااتي

[فواز الشيباني]

الهنوف اللـي تحـدى المترفـات بكـل زينـيزينهـا يظهـر لخلـق الله خفـا و الا بيانـي
ثغرها فيـه البَـردْ منظـوم حولـه جمرتينـيوجهها كنّه قمـر ليليـن مـع عشـر وثمانـي

اخي يجيلك يومين

مشكور على النقل الموفق

الله يعطيك العافيه

[يجيلك يوم]

اخي العزيز الدلبحي

تسلم على مرورك الكريم

وشرفتني بحضورك الرائع

أشكرك على تواصلك

[يجيلك يوم]

اخي العزيز فواز

أسعدني مرورك العاطر

وشرفتني بتواجدك لاعدمتك

[فيصل المسعودي]

طرح رائع تعودناه منك


صح لسانك ولسان المرشدي


تحياتي

[وليد الزراقي]

مشكور على النقل الطيب
تحياتي

[ابـن نـعـيـس]

صح لسانك ولسان المرشدي


اختيار اكثر من رائع



تحيااااااااااااااااااااااااااااااااااااااااااااااا ااااااتي

التوقيع