ديــــوان الأمـــــير الفارس الشاعر _ تركي بن حمـــــيد (رحمه الله )

[ابو وعيل]

حقيقه جهد رائع ...



بيض الله وجهك اخوي مختصر المسافات ولاهنت يابن العم .



تحياتي
ابو وعيل الرويس

[مختصر المسافات]

الى الاخ ابو وعيل ... مع التحيه:

مشكور على الرد يا ابو وعيل ... ووجهك أبيض يابن عمي ولا ندمت

[لــيــل]

بيض الله وجهك.


وهذه قصيده للشيخ تركي :



ان صاح صياح الضحى براس القاره
وغارت على حص الوبر عدوانها

الجيش زرفل والجموع انحازت
وعيت على المدب عصت عيانها

وحنا لحقنا فوق قب قرح
كله لعين البل وحلو البانها

وش عذرنا من دون حلوات اللبن
لاضيعت بالمعركه حيرانها

لامن عج الليل ثولا دونها
ورمت تواديها تحت اثفانها

انا على قب قحوم قارح
خطر على الحنكان من ذرعانها

اليا تلاقى ذيلها مع راسها
تسمع ضريس ضروسها بعنانها

كن المعارف يوم تنهض راسها
ثليل عذرا كاسين امتانها

تثلث على رجل تقل مكسوره
حليت عيدان السلم سيقانها

يالصانع البيطار واسمع مني
دع بالك المسمار يخطي شانها

الله ياقاها نهار الهيه
من عين رماي حفظ علمانها

مع سربة يذهل لميع سيوفها
وقصارها تلوذ في فرسانها

والموت معهم وارد ومصدر
والروح كنه واقف ديانها

كم واحد بالقاع يسهج طايح
عليه بيض حرقن اوجانها

وياما طرحنا دونها من فارس
عقب الشجاعه ياكله سرحانها

ترعى بنا العر ويكبر نيها
وننزح العدوان عن حدانها

وننزل بها في كل وادي مخضر
ترعى وسو الموت عند اركانها

في نجد نرعى مانعلق عاني
بسيوف هند ماضي برهانها

يشهد لنا وادي الرشا بافعالنا
وتشهد لنا نجد وحصى ضلعانها

قول بلا فعل عيب واضح
والصدق ما يمحاه طول ازمانها

[مختصر المسافات]

هلا وغلا فيك يا لـــــــيــــــــل...

ومشكوووووووور جــــــداً على مـــرورك وردك يابـــن عـمـــي .

والف شكر على أضـــــافة ملـــحـمـــة شـــــــــعرية جـــديـــدة من ملاحــــم الامير تــــــركــــــي ( طيب الله ثراه ) .
.
.
.

[الشايب]

مختصر المسافات : وجهك ابيض ياولد العم اتحفتنا بهالديوان للاسطوره تركي بن حميد

اقول الجمس اللي في توقيعك للبيع ؟

<<------------ شريطي

لاعدمتك

ليل :


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يشهد لنا وادي الرشا بافعالنا = وتشهد لنا نجد وحصى ضلعانها

[/poet]

مشكور على الاضافه .. لاعدمتك

[رعد]

يــا مختصر المسافات

يا رائـــــع

مشكورعلى هذا المجهود ،، لكتابة اشعار وديوان أمير عتيبة ( تركي بن حميد )

الله الله اقرأوا معي هذه الرائعة :

وأخـــيـر مـنـهـا ركعتين(ن) بالاسحار = لاطـــاب نــوم الـلــي حــيـاتــه خـســـاره
تـلــقاه في يوم(ن) يضيعن(ن) الافكار=يـوم(ن) عـلـى المخلوق ما اطول نهاره
وقـم فـي قـصـير البيت حشمه ومقدار = لــــو جــــار فــادمــح له ولو به خساره
تـرى النــبي وصّى على الجار لو جار= خـــــذ الـحـــذر يـاعـبـيـد عـقــب النذاره
رافـق قـويّ الــديـن حـفّــاظ الاســرار = يـنـفـعـــك فــي يـوم(ن) يـجـي به كراره

توصية : انصح بقراءة هذا الديوان دائما . لأنه يعلم معاني الرجال.

[ابونورة]

صياح الخير ياعتابه
ماشاء الله عليك يامختصر المسافات
الحقيقة لي توقف منذ مدة ورجعت ومما اسعدني وجود ك والله
نشكر شكرا بطول قبيلتنا وكثر مجدها



ابونورة

[واصل]

اشكرك اخي المختصر وانشهد انك مختصر امتعتنا بهذا الطرح الجيد
والله يوفقك في ما يحبه ويرضاه

واصل- الجبيل

[مختصر المسافات]

الى ابن العم الشايب .... مع التحيه:

مشكور يالشايب على المشاركه ولاهنت .... ووجهك ابيض يابن العم .

بالنسبه للجمس ... مايغلى عليك بس تراه ماهو للبيع|2| ... تبيني اشوف لك غيره ... ابشر على هالخشم .


.

[ابو فراس]

الله يرحم الامير / تركي بن حميد

وعز الله انك اختصرت المسافات .. جهد جبار . وعمل رائع

بيض الله وجهك يابن العم