تعال يالكبتن لاهنت

[كبتن عتيبه]

لن كان ساري على الالغاز طاريكا=والله لا ارسل لك الغازاً تماتيكا
ولغزك على ماهقيت أظنه أمريكا=تهبا سراءيل وتعيش السعوديه
ترى العوارف من خصايصها تفيد وتستفيد=والمعرفه تحتاج للافكار/ رفرف ياعلم
السوق هذي حالتها ياما نقص ولا يزيد=تحكموا به حضرة التجار/رفرف ياعلم

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[الشمالي الغربي]

انشدك عن شي اله بين العرب سمعه=والا بالغاز والله مالنا طمعه
ماجبتها مير هذي تعتبر رمعه=تهبا سرائيل وتعيش السعوديه
أخذ الصراحه يامناحي وأسمع العلم الأكيد=الخيل كثرت داخل المضمار رفرف ياعلم
حنا بلشنا يامناحي فى القديم وفى الجديد=مابين ذيب وثعلبٍ مكار رفرف ياعلم

[كبتن عتيبه]

بيني وبينك علوم جزال وسماني=واللي على خاطري ينطق به لساني
ترى للغاز ياعتيبي قسم ثاني=تهبا سرائيل وتعيش السعوديه
اللي مايرسمها ويبنيها على الساس الجويد=خطرن علاها فالضحى تنهار(رفرف ياعلم)
اليوم وين اللي يعرفون الحرار من العبيد=بعد العبيد امسوا جميع احرار (رفرف ياعلم)

[الشمالي الغربي]

تبا الصراحه تراك قريب(ن) منها=والسالفه عن من مثل شرواك ما آمنها
بعطيك برهانها عاد انت برهنها=تهبا سرائيل وتعيش السعوديه
الطب ضايع ياطويل العمر فى القلب البليد=ولو قلت لف يمين لف يسار (رفرف ياعلم)
و(المعرفه )كننزٍ مايفنى فى الزمان ولايبيد=غالي ولاتبخس به الأسعار (رفرف ياعلم)