مرحبا بالجميع في حلةٍ بابها مفتوح

[عبدالمجيد الثعلي]

ماهي عزيمة صامل أنا قلتها والشيك كاش=على عزيمة صامله تعزم كلتك القنبله
الذيب يرقد فالضحى ويطيح فالنار الفراش=بعد العشاء بالعافيه تحتاج بيبسي عايله

[صامل العصيمي]

المشاركة الأصلية كتبت بواسطة عبدالمجيد الثعلي

ماهي عزيمة صامل أنا قلتها والشيك كاش=على عزيمة صامله تعزم كلتك القنبله
الذيب يرقد فالضحى ويطيح فالنار الفراش=بعد العشاء بالعافيه تحتاج بيبسي عايله

الباب صامل للضيوف اللي بطيبتها رشاش = نقيس فعل الرجل كان إنه سقط بالمسفلة
أثرك من اللي فالبد طايح ولا جاه المعاش = مانته على سلم الجدود وفعلك أنته مكسله !

[عبدالمجيد الثعلي]

والله وسبع أنعام فيكم مايعيب الإرتباش=وإن جيتني وإن جيتك ألا كل ٍ ببيت أهله
حنا سبقنا الأوله نلطم وجيه ٍ ماتنـاش=مانعترف بمعاملة سوق السمك والبنقله

[صامل العصيمي]

المشاركة الأصلية كتبت بواسطة عبدالمجيد الثعلي

والله وسبع أنعام فيكم مايعيب الإرتباش=وإن جيتني وإن جيتك ألا كل ٍ ببيت أهله
حنا سبقنا الأوله نلطم وجيه ٍ ماتنـاش=مانعترف بمعاملة سوق السمك والبنقله

بعض العرب مبنيْ بيته مثل بنيان العشاش = وأنا أحمد الله في قصر عالي وهو يامطوله
حنا دلالتكم وهالحينه مكيّف وإنتعاش = لو ما العصيمي دربك اللي راح منت بمدهله

[عبدالمجيد الثعلي]

السيل ماجاء ألا أوله اللي يقش من القشاش=وش جابـّـبك ببطن المسيله والمسايل سايله
ملهي الرعيان يلهيها ويأزي فالحشاش=وليا التهتبه ماتعود ألا الرعية هامله

[صامل العصيمي]

الله الله

شاعر مبدع وجزل

صح لسانك يابن العم عبد المجيد

تشرفت والله باللعب معك

ولنا لقاءات أخرى إن شاء الله

وختامها مسك ,, أذن الأذان في الطائف

لاعدمناك والله

وشكراً لجميع الحضور ..



تحيتي


...............

[عبدالمجيد الثعلي]

المشاركة الأصلية كتبت بواسطة صامل العصيمي

الله الله

شاعر مبدع وجزل

صح لسانك يابن العم عبد المجيد

تشرفت والله باللعب معك

ولنا لقاءات أخرى إن شاء الله

وختامها مسك ,, أذن الأذان في الطائف

لاعدمناك والله

وشكراً لجميع الحضور ..



تحيتي


...............

صح بدنك يالقرم

وتشرفت باللعب معك يا ابن العم


والجايات اكثر