حزام العصيمي وعبدالعزيز العازمي طاروق رائع

[ابو عاتق]

حزام العصيمي

هلا يامرحبا في حفلة الغدراء طويل الباع = عريب الساس تاج الراس في برقا وفالروقه
تجمعنا على طيب الفعايل والدروب وساع = قبيلة سابقه بالمرجله ماهي بمسبوقه

عبدالعزيز العازمي

يدوم لك البقا واللي يشرفنا طويل ذراع = ياحي الطيب اللي مايضيع الطيب في سوقه
يقولون الرجال أنواع وأقول الفعول أنواع = ولو أن الاوادم كلها من طين مخلوقه

حزام العصيمي

تخبرنا تجاريب الليالي والخبر ماضاع = لعل السيل يسقي الغصن حتى تسبح عروقه
احد يقرب من النزله وأحد يقرب من المطلاع = يسير العازمي والارض تحته والقمر فوقه

عبدالعزيز العازمي

يجيب الحظ ياحزام العصيمي مد ولا صاع = هذاه أخر خبر للي يقود شعيل ويسوقه
أنا رجلٍ تحديت الزمن لو الزمن ماطاع = ومن عاف الحلاوه يلتفت للمر ويذوقه

حزام العصيمي

أشوف شعيل تالي الوقت لايشرى ولاينباع = حموله جايره مافيه لاقدره ولاطوقه
تحديت الليالي والطماعه في يد الطماع = ندور للذهب مير الذهب في وسط صندوقه


عبدالعزيز العازمي

تركد يالعصيمي لاتهور والسباع سباع = لك الله ماتروح جمالنا ياحزام مسروقه
تعلمك الليالي بالطبيب مداوي الاوجاع = سنين فايته ماهيب مطروده وملحوقه

حزام العصيمي

انا ماابغاك من جور الزمن تخشى ولاترتاع = ولايطري علي الغدر في الاصحاب والبوقه
ليا صار المحاسب يرمي الانصاف والارباع = يبا يبطي وكبده من هموم الوقت محروقه

عبدالعزيز العازمي

انا اكثر ماغبني حظك اللي مقتنع بقناع = يصلي بك مطوع لحيته بالموس ملحوسه
حصيل زراعة الزراع تلقاها مع الزراع = وأنا ماني محاسب صاحبي في غير منطوقه


حزام العصيمي

انا حظي يسوق المرجله والعرف والابداع= مالبسني عباة من قديم الوقت مفتوقه