سعود العصيمي=
فالديره اللي وقتها ماض الزمن مثل الربيع = أول زمنها غير واحلى من زمنها التاليه !!
سلام ردية سوات السيف في كف الشجيع = نبدابها فالمبتدأ لاهل السلوم الغاليه!!
فهد الشهيب=
فالديـره اللـي ماتقفـل بابهـا دون الجميـع=منصى الرجال اهم المناصب والحظوظ العاليه
يامرحبا ترحيبة ٍ لاسمعهـا العاصـي يطيـع=ترحيبـة ٍ تختـص بـك ياراعـي الامثاليـه
سعود العصيمي=
سر المعاني يالثبيتـي وانتبـه لـي لاتضيـع=والفال نقفيه العقال ان كان ما اكفى الفاليه!!
ترا الحمول اثقال وانته يافهد وش تستطيـع=قال المثل يبقى الجمل في دبـرة الجماليـه!!
فهد الشهيب=
انا دليله والدليلـه فـي طريقـه مايتيـع=والفال شفنا الفال مار عقال ماش عقاليـه
اقوم بحمول الجماعه وانت ضيعت الصنيع=من عقب مابدلت بشتـك بالثيـاب الباليـه
سعود العصيمي=
ياصاحبي ياصاحبي احلم وحلم الله وسيـع=لاترخي الشيله شـوي وترفـع المواليـه!!
السوق راخص ماش من يشري ولابه من يبيع=وشعيل حملناه بحمـول ٍ كبـار اثقاليـه!!
فهد الشهيب=
شالح ولد هدلان ماهو جاهل ٍ طبع الفديع=هذي تراها شيلتـك غنيتهـا مـن باليـه
راع الاذاعه شرهته ياصاحبي فوق المذيع=واهم شي انا حفظنا معـك راس الماليـه
سعود العصيمي=
بغيت امرك يافهد ماشي مع الخـط السريـع=واثرك راع الحيله اللـي ٍ يعـرف المحتاليـه!
حنا على سلم العرب نمشي ومنزلنـا رفيـع=وانته يابو عواض الك منزل و قدرآ عاليه!!!!
« آخـــر الـــمـــشـــاركــــات »
05-Apr-2012, 04:10 AM
العرض العادي
