في ماقف الشده ولو كنت منضام=شغلك ترى يابنت غسل المواعين

[عبدالله الـعتيبي]

المشاركة الأصلية كتبت بواسطة الغضنفر

قصيدتك ياعبودى جزله وراها شاعر بحر واصل ولايهمك احد وسجل اعجابي بقصيدتك اما ولد العم حسين البفعاوي ايمر على قصايدى وينقدها لني في حاجه لنقده ومنه استفيد وله الشكر

الانتقاد ونقل الموضوع ماهمني يالغضنفر

اللي يهمني ياخوك الانتقاد انتقدني وانت ماشي واخونا حسين ماقصر وهذا اللي ابيه

وفي الاساس لو رجعنا

انا ليش وضعت البيتين؟؟؟؟

الا عشان تنتقدونها

واشكرك على مرورك يالغلا والبيتين في ديره ابشرك ههههههه

[عبدالله الـعتيبي]

المشاركة الأصلية كتبت بواسطة حسين البقعاوي

وهذي أهم خطوة لطلب أي علم سواء شرعي أو علمي أو أدبي....الخ
هو (التواضع لطلب العلم) وعدم الخجل من الأسئلة.




بالضبط، يعني كأنك تقول قصة أو حكاية أو موضوع. يعني لما يسمعها المتلقي يحس انها متماسكة ومترابطة، وإذا كان لابد من شطحات فتكون بطريقة حلوة ، خذ مثال قصيدة الصارم ابن عرويل وهذه بعض ابياته
جاهم معمر بس راح مدمر = يسحب جيوش الذل روحة جية
صج العرب بالصوت زنقه زنقه = والى الأمام وثورةٍ ليبية
ونهايته فالمشنقة بيعلق = ولا يموت بسكتتٍ قلبية
لأن الرصاصة فيه نستكثرها = وأغلى منه فالقيمة السوقية
باخذ شوي وبرجع لموضوعي = بعد ما عد النشرة الجوية
الناس ماتت بالغرق في جده = والسبه من البنية التحتية
وامين جده قال مالي دعوى = والمشكلة من هيئة المالية
ياراعي المعنى مادامك شاعر = نبيك تكتب فالعرب مرثية

انتقال من موضوع الى موضوع أخر، بقمة الإتقان.




التفعيلات أو ما يسمى بـ(العروض) هي علم عن طريقه يسهل على الشخص معرفة الوزن وليس له علاقة بالمعنى أبداً، أي انك من خلاله يمكن أن تقول ان هذه الابيات موزونة أو لا. وهو جاء كطريقة ممنهجة للألحان.
وبعض الشعراء لا يعرض قصائده على التفعيلات، لأنه (يجرها بالصوت) . فاللحن يبين لك البيت الموزون من المكسور، وهذا ما كان عليه الشعراء قبل تدوين علم العروض.

عموماً العروض بسيطة جداً لكن تحتاج تركيز، وأن أرى أن نفتح له موضوع مستقل في قسم المحاولات الشعرية، ونتعلم سوياً. (لكن ماهو اليوم :d ) أبي انام.




هذا هو مربط الفرس، والفارق بين الشعراء.
خذ مثال (وأنا كثرت عليك الأمثلة :d ) لو جاء شخص قالك قصة غزوة مثلاً ومن براعته بالوصف تشعرأنك موجود فيها في الغزوة أو انك تراها رأي العين، وجاء شخص أخر وقالك نفس القصة بس بشكل بارد أو مافيه توصيف، هل فيه فرق.
أنت بالنهاية سمعت القصة من شخصين مع فارق الأسلوب. هذا بالضبط منطبق على الشعر.
طريقتك في شرح ووصف شعورك لدرجة ان المتلقي يحس بأن هذه القصيدة له وأنه يشعر بهذا الشعور، لكن هذا يتطلب أن تكون في بيئة شعرية أو أن تتذوق الشعر من الشعراء لحين تتقن هذا الفن.
وهو ما يسمى الملكة الشعرية.




ما فيه شاعر انولد ومعه قصيدة أو معلقة في يده، هي مهارت تكتسب مع الوقت.
بالنسبة للأوزن يمكن ان يتعلمها الشخص، اما المعاني والوصف فهو شعور، ولا يمكن تعلمه.
بل للعلم بعض الشعراء الأوائل ليس له إلا قصيدة واحدة وتسمى يتيمة، لكنها تغني عن مئات القصائد.

وفي النهاية، بما أنك تود التعلم، (فخذ نصيحة من أخيك) لا تنسى أن كل كلمة تكتبها ستكون لك أو عليك، لاسيما في الشعر، فربما تكتب بيت، ويشاء الله أن ينتشر بين الناس، فاحرص ان يكون كله فيما يرضي الله.

أسأل الله أن يجعل قلمك ولسانك سيف لنصرة الإسلام والمسلمين.

الله يبيض وجهك ويوفقك وانا اخوك اقولها من صادق قلب

ماقصرت ياحسين وبيض الله وجهك

لكن قسم المحاولات الشعريه مايجيها احد بتاتا

انا بحاول انزل وحده ياخوك بعد انتقادك
اشكرك ونتاسف تعبناك معنا

[عبدالله الـعتيبي]

المشاركة الأصلية كتبت بواسطة فيصل مطر

الله
الله
الله

صح لسانك مليووووووون

ياشاعرنا المبجل والقدير/ عبدالله العتيبي


كلام سليم وشاعر حيكم ومستقبل عضيم

لاكني اعتقد

حلوله عضمته من سبع الى خمس سنوات ان الله منحك عضمة الشعر مستعجل


تحياتي لك يابطل شعراء عتيبه الجدد وبالتوفيق انشالله

هههههههههههههههههههههههههههههههههههههههههههه

الله يهديك يابو مطر

حكيم وعضيم وبطل شعراء عتيبه الجدد هههههههه

على فكره يافيصل انا مافهمت عليك يوم تقول
حلوله عضمته من سبع الى خمس سنوات ان الله منحك عضمة الشعر مستعجل

ممكن توضح كلامك
واشكرك على مرورك وردك العطر

[حسين البقعاوي]

المشاركة الأصلية كتبت بواسطة عبدالله الـعتيبي

الله يبيض وجهك ويوفقك وانا اخوك اقولها من صادق قلب

ماقصرت ياحسين وبيض الله وجهك

لكن قسم المحاولات الشعريه مايجيها احد بتاتا

انا بحاول انزل وحده ياخوك بعد انتقادك
اشكرك ونتاسف تعبناك معنا

جزاك الله خير ياولد عمي على هالدعوات الطيبة. ماجينا الا عشان نفيد ونستفيد، ولا لي فضل على احد.

بالنسبة لموضوع المحاولات الشعرية، انا ما أقصدك انت، انا اقصد أني انا بنزل موضوع اشرح فيه العروض، وبنزله في قسم المحاولات الشعرية.

وإن قاله الله (وانا ابو علي) ان تشوف قسم المحاولات الشعرية ينافس قسم المحاورة.

ونبي نخليه على قولتهم (تعاليل)، نتعلل ونتلعم.

آخر تعديل حسين البقعاوي يوم 21-Mar-2012 في 05:12 PM.

[عبدالله الـعتيبي]

كفووووووووووووووووو

هذا اللي احتريه من زمان

بيض الله وجهك

[القاف الملتهب]

بدايه موفقه والى الامام يالذيب