محمد الاكلبي
ياغالب اقرب ياعريب الجد يانسل الحرار=قد لي ليالي أتحرى شوفتك واظمـا لهـا
مايفرح كبار الرجال الا ليا شافت كبـار=سر المعاني والجمال يسوقهـا جمالهـا
غالب الذيابي
ليلٍ تباريني تحت قمـراه يبغـى شـب نـار=مـع دلـةٍ يثنـى لراع النـادره فنجالـهـا
هات الحطب وازهل شبوب النار وعلوم الديار=عليـك تفتلهـا وانـا نقاضـهـا فتالـهـا
محمد الاكلبي
أنا قدمك امشي على نهج المطاليق الخيـار=واترك خفاف علومهـا وورد لـك ثقالهـا
كثرة علوم الدار ياغالب ووقتك فيـك بـار=غير اصبروا صبر الجمال الي تشيل احمالها
غالب الذيابي
هذا مثل معروف واطيب منه قدحٍ من شرار=حتى يبين اللي كسب ريمه وفـك عقالهـا
ان كان بار الوقت وجهي سايرٍ ليل ونهـار=ماني على الشدات رخو حزام انا رجالهـا
محمد الاكلبي
لاتذكر الماضي وكبه عنك والي صار صار=وان طالت الطرقة تبين العقـدة وحلالهـا
وش فادكم وش فادنا يالربع طول الانتظار=الذود يقهر دون مرعاها بروس جبالهـا
غالب الذيابي
مالي غناة عن العوائد لو عليها الوقت جار=واللي تبرا سكة اصحاب القيم يبـرا لهـا
انته سريع الشمت يارجال يوم السلك دار=محتار حاير لا تسايسها ولا تقـوى لهـا
محمد الاكلبي
انته تعيد الهرجه الي مالها عندي وقار=حنا نروس القوم لانبـرى ولانختالهـا
يالجيد المنعور وش سويت يوم الدم فار=تضحك لعدوانك وتكرههـا ولاتحتالهـا
غالب الذيابي
اللي يفتش فالعلـوم يضيـع والدنيـا نهار=وان جتك جزلة حطها فالقلب مار اصحى لها
اديرها بسياستـي وارد بهـا جم البيـار=واقلب على العدوان فرحتها واهـز ابطالهـا
« آخـــر الـــمـــشـــاركــــات »
31-Jan-2012, 02:11 PM
العرض الشجري